رێكخستنا ساخله‌می ئا جیهانێ ئیرۆ ئه‌شكه‌ره كر كو نه‌خوه‌شیه‌كه هه‌ری خه‌ته‌ر وێ ده‌ركه‌ڤه هۆلێ و دبه جیهانێ بخه د هێلا خه‌ته‌رێ ده.
ل گۆری راپۆره‌كا رێكخستنا ساخله‌می ئا جیهانێ كو به‌شا ئاماده‌كاری و هازری ئێن وێ رێكخستنێ وه‌شاندنه، ڤایرۆسه‌كه هه‌ری خه‌ته‌ر وێ ده‌ركه‌ڤه هۆلێ، دبه ئه‌و ڤایرۆس نه‌خوه‌شیه‌كه وه‌كه ئێنفلاوه‌نزایێ به، لێ به‌لێ زرارا وێ نه هنه‌كه.
ساخله‌می ئا جیهانێ ئه‌شكه‌ره كر، وێ ڤایرۆسێ كارینا كوشتنا 80 ملیۆن مرۆڤان د 36 ده‌مژمێران ده هه‌نه، لێ به‌لێ دگه‌ل گه‌شتكرنا به‌رده‌وام ئا مرۆڤان ل سه‌رانسه‌ری جیهانێ، خه‌ته‌را وێ ڤایرۆسێ وێ هه‌ری مه‌زن به.
ساخله‌می ئا جیهانێ ئه‌و راپۆرا خوه ب ناڤێ (جیهان د خه‌ته‌رێ) ده‌یه وه‌شاند، ئه‌و دبێژه: وان ئه‌و راپۆر ژبۆ هشیاركرنا سه‌ركرده ئێن جیهانێ وه‌شاند ژ بۆ كو ئاماده‌كاری ئێن به‌رسینگرتنا وێ ڤایرۆسێ بكن.
ل گۆری راپۆرێ، ڤایرۆسا كو دێ ده‌ركه‌ڤه هۆلێ، وه‌كه (ئێنفلاوه‌نزا ئسپانیا) یێ یه ئه‌وا كو ل سالا 1918ان ده، پێتری 50 ملیۆن مرۆڤان ل جیهانێ ب سه‌ده‌ما وێ جانێ خوه ژده‌ستدان.
