زانایێن خوراكی ئه‌شكه‌ره كرنه كو نهێنیا ته‌مه‌ن درێژیێ، دبیت ب خوارنێ ڤه په‌یوه‌ندیدار به، وه‌ختا كو مرۆڤ سیسته‌مه‌كا ته‌ندروست یا خوارنێ په‌یره‌و دكه‌ت كو پر كه‌سكاتی و فێقیی تێدا هه‌بیت.
و ب رێكا چه‌ند لێكۆلین و خواندنان، زانایێن به‌ریتانی كارینه باشترین 5 جۆرێن خوارنان ده‌ستنیشان بكه‌ن كو رۆل و كاریگه‌ری ل سه‌ر درێژكرنا رێژه‌یا ته‌مه‌نی هه‌یه، لێ دگه‌ل كرنا سپۆرێ ب ئاوایه‌كی كو نه كێمی 150 خۆله‌كان بیت د حه‌فتیێ دا.
ئه‌ڤ خوارن ژی ئه‌ڤه‌نه:
-بهارات:
ل گۆری لێكۆلینه‌كا چینی كو 500 مرۆڤان به‌شداری تێدا كر، بكارئینانا بهاراتان دگه‌ل خوارنێ، دوور نینه ببیته ئه‌گه‌را درێژكرنا ته‌مه‌نێ ته، ئه‌نجامێن لێكۆلینێ ئه‌شكه‌ره كرینه كو یه‌ك دانێ ب بهارات د رۆژێ دا، خه‌ته‌را مرنێ ب رێژا 1% كێم دكه‌ت.
زانایان ئه‌گه‌را ڤێ چه‌ندێ بۆ مادده‌یا ب ناڤێ (كابسیسین) ڤه‌گه‌راند كو د ناڤا خوارنێن پر بهارات دا هه‌یه، ئه‌وێ مادده‌یێ چه‌ندین مادده‌یێن دن یێن دژی (ئه‌كسه‌دێ و هه‌ودانان و تا مادده‌یێن دژی شێره‌په‌نجێ) تێدانه.
-هێك:
هێك ب یه‌ك ژ خوارنێن پر پرۆتین و كێم پله‌یێن گه‌رمایێ تێ هه‌ژمارتن، و ل گۆری لێكۆلینا په‌یمانگه‌ها نه‌ته‌وه‌یی یا ساخله‌میێ ل به‌ریتانیا، پرۆتین دبیته ئه‌گه‌را زێده‌كرنا رێژه‌یا ته‌مه‌نی، ژبلی كو هێكێ مفا ل سه‌ر باشكرنا هزرێ، چاڤ و هه‌ستیان هه‌یه.
كه‌سكاتیێن ب به‌لگ:
چه‌ندین لێكۆلینان ئه‌شكه‌ره كریه كو كه‌سكاتیێن ب به‌لگ كار ژبۆ باشكرنا ته‌ندروستیا مرۆڤان و درێژكرنا ته‌مه‌نێ وان دكه‌ن، ژبه‌ركو كێمترین رێژه‌یا پله‌یێن گه‌رمایێ تێدا هه‌نه.
-دان:
ژبۆ ژیانه‌كا ساخله‌م و درێژ د كارین دایه پشتبه‌ستن ل سه‌ر شۆفانێ، گه‌نمی و هه‌موو دان و دكاكان بهێته كرن، ل گۆر لێكۆلینه‌كا په‌یمانگه‌ها نه‌ته‌وه‌یی یا ته‌ندروستیا به‌ریتانیا، كه‌سێن كو سیسته‌ما وان یا خوارنێ دان تێدا هه‌به، ده‌لیڤه‌یێن مرنا وان كێمتری وان كه‌سانه كو گه‌نمی و دانی نه‌خۆن، سه‌ده‌م ژی بۆ وێ كاریگه‌ریا ئه‌رێنی ڤه‌دگه‌رت كو گه‌نم و دان ل سه‌ر هه‌ڤسه‌نگكرنا شه‌كرێ و گه‌را خوینێ و هناڤان دكه‌ت.
-ماسی:
زانا گه‌هشتنه وێ باوه‌رێ كو كه‌سێن گه‌له‌ك جۆرێن ماسیان دخۆن، وان پترین رێژه‌یا (ئۆمێگا 3) د خوینا خوه دا هه‌یه، له‌و ده‌رفه‌تا مرنێ ل جه‌م وان ب رێژا 27% كێمتره ژ وان كه‌سێن كو ماسیان نه‌خۆن.
ماسیێن وه‌كه (سه‌له‌مۆن سردین و تۆنا) ب باشترین جۆرێن ماسیان ژبۆ درێژكرنا ته‌مه‌نی دهێنه هه‌ژمارتن.
زانا مرۆڤان شیره‌ت دكه‌ن كو هه‌ری كێم د حه‌فتیێ دا جاره‌كێ ماسی بهێته خوارن.
ژێده‌ر: ئێكسپرێس
