رێیه‌كه‌ سروشتی بۆ چاره‌سه‌ریا فشارا خوینێ

رێیه‌كه‌ سروشتی بۆ چاره‌سه‌ریا فشارا خوینێ

نه‌خوه‌شخانه‌كا ئه‌لمانی كاری رێیه‌ك سروشتی ژبۆ چاره‌سه‌ری و ب داوی ئینانا فشارا خوینێ ل جه‌م مرۆڤان ئه‌شكه‌ره‌ بكه‌.

ل گور پێگه‌ها www.medikforum.ru، نه‌خوه‌شخانه‌كا ولاتێ ئه‌لمانیا ل باژارێ مانهایم، رێیه‌كه‌ نوو یا چاره‌سه‌ریا فشارا خوینێ ئه‌شكه‌ره‌ كریه‌ كو ته‌كه‌زیێ ل سه‌ر په‌یره‌وكرنا سیسته‌مه‌كا ساخله‌م بۆ ژیانێ مرۆڤان دكه‌ ژ بۆ كو ژ فشارا خوینێ و مه‌ترسیا وێ د پاراستی بن.

هه‌ر وها ژبۆ وان كه‌سان كو فشارا خوینێ هه‌یه‌، پابه‌ندبوون ب سیته‌مه‌كا ته‌ندروست یا خوارنێ و چالاكیێن دن، ئه‌نجامێن هه‌ری باش هه‌نه‌.

برێڤه‌به‌رێ نه‌خوه‌شخانا مانهایم بێرنهارد كرامه‌ر ئه‌شكه‌ر كریه‌، ل گور له‌كۆلینه‌كا وان خویا بوویه‌ كو كرنا سپۆره‌كا سڤك ژ بۆ ده‌ما 150 خوله‌كان د یه‌ك حه‌فتیێ ده‌، مفایه‌كا هه‌ری باشی ژبۆ دلێ مرۆڤان هه‌یه‌.

برێڤه‌به‌رێ نه‌خوه‌شخانێ كو بسپۆرێ نه‌خوه‌شیێن دل و فشارا خوینێ یه‌ هه‌ر وها دبێژه‌: كه‌سێن كو نه‌خوه‌شیا فشارا خوینێ هه‌نه‌ پێتری جاران سه‌نگا وان زێده‌ دبه‌، له‌وما كێمكرنا سه‌نگا له‌شی مفایێن خوه‌ یێن هه‌ر زیده‌ ژبۆ قورتالبوونی ژ فشارا خوینێ هه‌یه‌.

یه‌ك ژ شیره‌تێن كو برێڤه‌برێ نه‌خوه‌شخانا مانهایم داییه‌ ئه‌و كو دڤێ خوێ ل ناڤا خوارنێ بهێته‌ كێم كرن و ل شوونا وێ بهارات زێده‌تر بهێنه‌ بكارئانین، هه‌ر وها كه‌سكاتی و شێرێ بێ كۆلسترۆل ب به‌رده‌وامی بهێت خوارن و ڤه‌خوارن.