هێزێن ئه‌وله‌هیا ئیراقێ، ئیرۆ ده‌سته‌سه‌ر كرنا شانه‌كه ته‌رۆریستی ئه‌شكه‌ره كر كو نیازا وان هه‌بوو، كریارێن ته‌رۆریستی د مه‌راسیما داهاتی ئا ئیمامێ حسێن ده بكن.
شانه‌یا مه‌دیا جه‌نگی ئا وه‌زاره‌تا كارێن هوندر ئا ئیراقێ، ئیرۆ د به‌یانه‌كه نڤیسكی ده ئه‌شكه‌ره كر، هێزێن وان ل رۆژێن بووری، شانه‌یه‌كه ته‌رۆریستی ل سامه‌رایێ ده‌سته‌سه‌ر كرنه كو نیازا وێ هه‌بوو، كریارێن ته‌رۆریستی د مه‌راسیما چله‌یا ئیمامێ حسێن ئا داهاتی ده ئه‌نجام بدن.
هه‌ر وها خوه‌یا كر، شانه‌یا كو هاتی ئه‌شكه‌ره كرن، ژ 6 كه‌سان پێك تێ و ژنه‌ك ژی دگه‌ل ده بوویه كو هه‌ڤژینێ وێ ته‌رۆریسته‌كێ سووریایێ یه.
سالانه ب ملیۆنان كه‌سێن شیعه مه‌زهه‌ب ژ ناڤا ئیراقێ و ده‌رڤه تێن كه‌ربه‌لایێ ژبۆ كو به‌شداری مه‌راسیما چله‌یا ئیمامێ حسێن ببن.
