كۆمارا ئیسلامی ئا ئیرانێ ئیرۆ ئه‌شكه‌ره كر، وێ تو جڤینه‌ك ل نێڤبه‌را هه‌سه‌ن رۆهانی و دۆنالد ترامپ ده، نایی پێكئانین.
كه‌نالا فه‌رمی ئا ده‌وله‌تا ئیرانێ، ئیرۆ رۆژا دوشه‌می ژ زارێ ئه‌باس مووسه‌وی، به‌رده‌ڤی وه‌زاره‌تا كارێن ده‌رڤه ئا ئیرانێ ڤه‌گوهاستنه كو نه د رێ ده یه تو جڤینه‌ك ل نێڤبه‌را سه‌رۆكێ ئیرانێ و سه‌رۆكێ ئه‌مه‌ریكایێ، وه‌ره پێكئانین.
ئه‌ڤ داخویانیا ئیرانێ هه‌موه‌ختا داخۆیانیا كۆچكا سپی ئا ئه‌مه‌ریكایێ یه كو ئه‌شكه‌ره كریه، ده‌رفه‌ت به‌رده‌سته جڤینه‌كه 2 ئالی ل نێڤبه‌را ترامپ و رۆهانی ده وه‌ره پێكئنانین.
به‌رده‌ڤكێ وه‌زاره‌تا كارێن ده‌رڤه ئا ئیرانێ ته‌كه‌ز كر كو جڤینه‌كه ب وی ئاوای د كارنامه‌یا ئیرانێ ده تونه‌یه.
ئه‌باس مووسه‌وی، ژ ئالیه‌كێ دن ڤه داخویانیا سه‌ناتۆرێ كۆماریان لێنزی گرام ره‌خنه‌كرن كو خواستیه ئیران ب ئێریشا سه‌ر شركه‌تا نشتیمانی ئا په‌ترۆلا سئوودیێ وه‌رێ سووجدار كرن، ئه‌و داخویانی ژی ب گۆتنه‌كه به‌تال و بێ ئه‌ساس ب ناڤكرنه.
