رێبەرێ ئۆلی ئێ ئیرانێ، ئایه‌توللا ئەلی خامنەیی دیار کر کو ئەوێ ب ئه‌مەریکایێ ره د تو ئاستێ ده ھەڤدیتنێ نەکن.
ل گۆری ئاژانسا فەرمی ئا نووچەیان ئا ئیرانێ ، خامنەیی ل ته‌هرانا پایتەخت ئاخڤی و وھا گۆت: “ژ سەرۆکۆمار بگرە ھەیا وەزیرێ کارێن دەرڤه، تو ھەڤدیتنێن دوئالی ئان ژی ئێن پرئالی وێ ل گەل ئه‌مەریکایێ نه‌كن”.
خامنەیی ھەروھا گۆت: ھەگەر رێڤەبەریا تەھرانێ ل سەر مێزا گۆتوبێژان روونێ، ئەڤ یەک دێ وەرە وێ واتەیێ کو تەھرانێ ل ھەمبەری فشارێن رێڤەبەریا واشنتۆنێ چۆک تەواند و لەوما ژی ئەوێ ل سەر مێزا گۆتوبێژان روونەنێن.
خامنەیی وھا ئاخڤی: “ئەگەر ئه‌مەریکا ژ گۆتنا خوە پاشده چوو، تۆبە بکە و ڤەگەرە سەر پەیمانا ناڤۆكیێ کو وێ بنپێکریه، وێ دەمێ دکارە ل گەل وەلاتێن دنێن د پەیمانێ ده ڤەگەرە ھەڤدیتنان”.
ل داویا گۆتنا خوه ژی ته‌كه‌ز كر كو هینا وێ ده‌مێ ژی، نه ل نیۆیۆركێ نه ژی ل جیەکی دن، د ناڤبەرا رایەدارێن ئیرانی و ئه‌مەریکایی ده، تو ھەڤدیتن وێ چێنەبن.
