ترامپی جه‌زایێن سه‌ر ئیرانێ توند كرن

سه‌رۆكێ ئه‌مه‌ریكایێ، ئیرۆ فه‌رمان ل هكوومه‌تا خوه‌ كر، جه‌زایێن سه‌ر كۆمارا ئیسلامی ئا ئیرانێ، وه‌رن توند كرن.

دۆنالد ترامپ ئیرۆ رۆژا چارشه‌می، فه‌رمان ل وه‌زاره‌تا خه‌زنداری ئا ئه‌مه‌ریكایێ كر كو جه‌زایێن سه‌ر ئیرانێ ل ئاسته‌كه‌ هه‌ری به‌رفره‌هـ وه‌ره‌ توند كرن.

سه‌رۆكێ ئه‌مه‌ریكایێ، ئه‌و فه‌رمان ده‌رخست و تو هوورگلیه‌كه‌ دن د ده‌ربارا وێ ده‌، ئه‌شكه‌ره‌ نه‌كرن كو توندكرنا جه‌زایان وێ چ سه‌كته‌ره‌ ئیرانێ ل خوه‌ بگره‌.

فه‌رمانا زێده‌كرنا جه‌زایان ل سه‌ر ئیرانێ كو ئیرۆ سه‌رۆكێ ئه‌مه‌ریكایێ ده‌رخستیه‌، پشتی ئێریشا سه‌ر شركه‌تا نه‌ته‌وه‌ئی ئا په‌ترۆلا سئوودیێ تێ كو ترامپ ئیرانێ پێ سووجدار دكه‌.