نەتانیاھو ل ئەفووکرنێ دگەرە

نەتانیاھو ل رێیەکێ دگەرە کو لگەل ئەفووکرنێ دەڤ ژ سیاسەتێ بەردە، ئه‌ڤ یه‌ك ژی پشتی كو ئه‌نجامێن هلبژارتنان هاتین ئه‌شكه‌ره‌ كرن.

ھات راگھاندن کو بینیامین نەتانیاھو ئێ سەرۆکوەزیرێ ئسرائیلێ، ھەکە د مه‌له‌فا گەندەلیێ ده‌ سووچدار وەرە دیتن، ئەوێ بخوازە دەڤ ژ سیاسەتێ بەردە ژبۆ كو وەرە ئەفووکرنێ.

ل گۆر خەبەرا كه‌نالا 13 ئا ئسرائیلێ، ده‌ما چه‌ندین مەھانە، نەتانیاھو لێکۆلینێ دکە کو ژ سەرۆکۆمارێ ئیسرایلێ رە وڤەن رڤلن ئەفوویێ بخوازە و ژ بۆ ئەفوویێ ژی، ئه‌وێ دەڤ ژ سیاسەتێ بەردە.

تێ گۆتن کو نەتانیاھو ژ بۆ ڤێ ھەری کێم ب کەسەکی ره‌ ئاخڤی و وی کەسی ژی ژێره‌ گۆت کو باوەر ناکە کو ریڤلین ڤێ تەکلیفێ قەبوول بکە.

وەکه‌ د خەبەرا كه‌نالا ئسرائیلێ ده‌ ھاتی گۆتن کو سەردۆزگەرێ ئسرائیلێ ژبەر كو ئه‌ڤ داخوازا نه‌ته‌نیاهو ل دژی قانوونانە ئەوێ ڤێ تەکلیفێ رەد بکە.

ھات ئیدیئاکرن دبە کو ئساج ھەرزۆگێ سەرۆکێ مخالەفەتا سەرەکە ئا بەرێ، د ناڤبەرا نەتانیاھو و ریڤلین ده‌ ناڤبەینکاریێ بکە، لێ بەلێ ئساج هه‌ر د زوو ده‌ ئه‌ڤ خه‌به‌ره‌ دره‌واند.

سه‌رۆك وه‌زیرێ ئسرائیلێ نها ب سووچه‌كه‌ گه‌نده‌لیێ سووچداره‌، پۆلیسان له‌كۆلین دگه‌ل ده‌ كرنه‌.

ل هه‌فتیا ده‌رباس بووی، هلبژارتن ل ئسرائیلێ هاتن كرن، لێ به‌لێ پارتا لیكۆد كو نه‌ته‌نیاهۆ سه‌رۆكتیا وێ دكه‌ و نها د ده‌ستهه‌لاتێ ده‌ یه‌، نكاری ده‌نگ و كورسیێن پێویست ژبۆ ئاڤاكرنا كابینه‌یا هكوومه‌تێ ب ده‌ست بخه‌.

نها دۆماندنا دۆسیا نه‌ته‌نیاهۆ ئا گه‌نده‌لیێ جار دن ده‌ركه‌تیه‌ هۆلێ، ب سه‌ده‌ما وێ یه‌كێ ژی، ئه‌و د فكره‌ كو ده‌ڤ ژ سیاسه‌تێ به‌رده‌، ل به‌رانبه‌ر ئه‌وفووكرنێ.

لیستا سووچێن كو ب نه‌تیاهۆ ره‌ هاتنه‌ كرن هه‌ر یه‌ك ژ سووچێن به‌رتیل وه‌رگرتنێ، سه‌خته‌ و خیانه‌تا باوه‌ریێ پێك تێن، دۆزگه‌ریا گشتی ئا ئسرائیلێ ئه‌و سووچ پێره‌ دایینه‌، مه‌له‌فێن له‌كۆلینا نه‌ته‌یاهو ژی ل ناڤ ئسرائیلێ ب مه‌له‌فێن 1000، 2000، 3000 و 4000 تێن ناسكرن.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg