زه‌ریف دبێژه‌ شه‌رێ ب ئه‌مه‌ریكایێ ره‌ ده‌ست پێ ناكن

وەزیرێ کارێن دەرڤه‌ ئێ ئیرانێ مھەمەد جەڤاد زەریف دەر ھەقێ ئالۆزیا د ناڤبەرا ئه‌مه‌ریكا و وەلاتێ وی ده‌ وھا گۆت، “گەلۆ ئەم دکارن ژ شەر دوور بسەکنن، ئەز نە یەقینم، لێ بەلێ یێ کو شەر بدە دەستپێکرن، ئەمێ نەبن و ئەول کێ بدە دەستپێکرن ئێ کو داویێ ژی لێ بینە وێ نە ئەو بە.”

زەریفێ کو ژ تێلەڤیزیۆنه‌كه‌ ئه‌مه‌ریكایێ ره‌ ئاخڤی، دیار کر کو ئیران نە ل پشت ئێریشا دژی فابریقه‌یێن په‌ترۆلا ئەرەبستانا سئوودی ئارامكۆ یه‌ و گه‌ر لێپرسینەکە سەربخوە بمەشە ژی، وێ بگھیژە ھەمان ئەنجامێ.

زەریف گۆت کو ئیران ژ ئالیێ نەتەوەیێن یەکبوویی کو ژ بۆ لێپرسینێ شاند ژبۆ ئەرەبستانا سئوودی شاندنه‌، نەھات ئاگاھدارکرن و وھا ئیدیئا کر، “گەر لێپرسینەکە سەربخوە بدە مەشاندن، وێ بگھیژە وێ ئەنجامێ و وێ ببینە کو ئیران ژ ئێریشان بەرپرسیار نینە.”

زەریف گۆت کو ژ سەرۆکێ ئه‌مه‌ریكایێ دۆنالد ترامپ ره‌ دەرەوان دکن دا کو وی بکشینن ناڤا شەر و لەوما ژی پێویستیا ئه‌مه‌ریكایێ ب شێوه‌رمه‌ندێن ئەولەکاریا نەتەوەیی ئێن وھا ھەیە کو بکارن راستی و دەرەوان ژ ھەڤدو جودا بکن.

زەریف ھەروھا ژ بۆ پرسا گەلۆ ئه‌مه‌ریكا و ئیران دکارن ژ شەر دوور بسەکنن ژی وھا گۆت، “گەلۆ ئەم دکارن ژ شەر دوور بسەکنن، ئەز نە یەقینم، لێبەلێ ئێ کو شەر بدە دەستپێکرن، ئەمێ نەبن و ئەول کێ بدە دەستپێکرنێ کو داویێ ژی لێ بینە دێ نە ئەو بە.”

پوستێن ھەمان بەش

گولان گارزان ئەو ژنا ب نهێنیێن خوە ڤە ھاتە بن ئاخکرن

گولان گارزان ئەو ژنا ب نهێنیێن خوە ڤە ھاتە بن ئاخکرن