د ئێریشێن رژێما بەشار ئەسەد ئێن ب تۆپخانە، رۆکەت و ھاونان ئێن دژی وارگەھێن سڤیلێن ل ناڤچه‌یا 40 و چیایێن ل باشوورێ ئدلبا ل رۆژئاڤا باکوورێ سووریێ ده سڤیلەک ھات کوشتن، 3 سڤیل ژی بریندار بوون.
ھێزێن رژێمێ دوھ نیڤێ شەڤێ ب تۆپخانە، ھاون و رۆکەتان ڤه، ئێریشی گوندێن باشوورێ ئدلبێ کرن، ل گۆر ئاگاھیا کو ژ چاڤکانی ئێن پاراستنا سڤیلان ھات وەرگرتن، سڤیلەک ھات کوشتن و 3 سڤیل ژی بریندار بوون.
د ئێریشێن ئاسیمانی و بەژایی ئێن رژێما ئەسەد و ھەڤالبەندێ وی رووسیایێ ئێن دژی ھەرێما کێمکرنا شەر ئدلبێ ده ژ سەرێ مەھێ زێدەتر ژ 20 كه‌سێن سڤیل ھاتن کوشتن.
ژ رێکەفتنا کو د ناڤبەرا ترکیێ و رووسیایێ ده ل ئیلۆنا 2018ان ده ھات ئیمزەکرن، ل ھەرێما کێمکرنا شەر ئدلبێ د ئێریشێن رژێم و رووسیایێ ده ژ 1300ی زێدەتر سڤیل ھاتن کوشتن.
ھەژمارا کەسێن کو ژ بەر ئێریشان کۆچی جیێن ئارامتر و نەخاسم ناڤچه‌یێن نێزی سینۆرێ تركیێ کرن ژی گھیشت ملیۆنەک و 42 ھەزاری.
