زه‌ریف د مژارا ئیریشێ ده‌ په‌یام وه‌شاند

وەزیرێ کارێن دەرڤەیێ ئیرانێ جەواد زەریف ژ بەر ئێریشا فابريقه‌یێن په‌ترۆلێ ئا ئەرەبستانا سئوودیێ، ژ بەر کو ئەو ئیرانێ بەرپرسیار دگرن بەرتەک نیشانی فرانسا، ئالمانیا و ئینگلتەرە یێ دا.

زەریف ل سەر ھەسابێ خوە ئێ تویتەرێ دەربارێ ئێریشا ل ھەمبەری شركه‌تا ئارامكۆ ئا د 14 ئیلۆنێ ده‌ چێبوو، فرانسا، ئالمانیا و ئینگلتەرە ژ بەر ڤێ ئێریشێ ئیرانێ بەرپرسیار نیشان ددن، پەیامەک وەشاند.

وەزیر زەریف بەرتەک نیشانی فرانسا، ئالمانیا و ئینگلتەرەیێ ده‌ و گۆت: ئەو بێی دەستوورا ئه‌مەریکایێ نکارن سۆزێن خوە ئێن پەیمانا ناڤۆكی ب جھ بینن.

زەریف گۆت: ژ گولانا 2018ان تەڤگەرا ڤان وەلاتان ئا د مژارا پەیمانا ناڤۆكیێ ده‌ ئەشکەرە ل ھۆلێ یە و وھا دەوام کر: “پشتی کو ئه‌مەریکا ڤەکشیا 3 وەلاتێن د ناڤا په‌یمانێ ده‌ سۆزێن خوە ب جھ نە ئانین، ئەڤ پرسگرێک ب نیشاندانا ئیرادەیا بھێز، شۆپاندنا رێیەکە سەربخوە، ئیدئایێن ئه‌مەریکایێ ئێن پووچ، وەک تووتیان نە، پەیمانا ناڤۆكیێ دکارە بێ چارەسەرکرن.”

دەر بارێ پەیمانەکە نوو ئا ناڤۆكیێ ده‌ ژی گۆت: ھەتا کو وەلاتێن یه‌كیتیا ئه‌ورۆپایێ گوھ نەدن پەیمانا ھەیی، تو جارێ وێ پەیمانەکە نوو نەیێ ئیمزە کرن.

سەرۆکوەزیرا ئالمانیایێ ئانگێلا مەرکەل، سەرۆکوەزیرێ فرانسایێ ئەمانوه‌ل ماكرۆن و سەرۆکوەزیرێ ئینگلتەرەیێ بۆرس ژۆنسۆن، ژبەری جڤینا گه‌را 74ان ئا نەتەوێن یەکبوویی ل نیۆیۆركا باژارێ ئه‌مەریکایێ نە دوھ داخویانیەکە ھەڤپار دابوون.

د داخویانیێ دا وھا ھاتبوو گۆتن: “ئەشکەرەیە کو بەرپرسیارێ ڤێ ئێریشێ ئیرانە، ژ بۆ کو ئەم خوە بگیھنن زێدەتر ھورگلیان، ئەمێ پشتگریێ ددن لێپرسینا کو تێ کرن.”

پوستێن ھەمان بەش