جاك شیراك سه‌رۆكێ به‌رێ ئێ فرانسایێ وه‌فات كر

سه‌رۆكێ به‌رێ ئێ فرانسایێ جاك شیراك، ئیرۆ رۆژا پێنجشه‌می د ته‌مه‌نا 86ان ده‌، ل مالا خوه‌ ل پاریسا پایته‌خت وه‌فات كر.

مالباتا جاك شیراك ئیرۆ د داخۆیانیه‌كێ ده‌ ئه‌شكه‌ره‌ كر كو جاك شیراكێ سه‌رۆكێ به‌رێ ئێ فرانسایێ، ئیرۆ سه‌رێ سبێ د مالا خوه‌ ده‌، ل ناڤه‌ندا باژارێ پاریسێ وه‌فات كر كو د نه‌خوه‌شیێ ده‌ بوو.

جاك شیراك ل سالێن 1995ان تا 2007ان وه‌كه‌ سه‌رۆكێ فرانسایێ وه‌زیفه‌داربوو، ئیرۆ وه‌فات كر.

جاك شیراك ناڤێ وی ئێ راستین (جاك رينيه شيراك)ه‌، ئه‌و ل سالا 1932ان ده‌ ل پاریسێ ژدایكبوویه‌، ژ مالباته‌كه‌ كرستیان ئا كاتۆلیك، باڤێ وی (ئابێل فرانسوا) وه‌زیفه‌دارێ هكوومه‌تا فرانسایێ بوو ل شركه‌ته‌كه‌ باله‌فران، لێ به‌لێ دایكا وی (ماری لویز) كابانی ئا مالێ بوو.

ل سالا 1956ان ده‌ زه‌وجیه‌، ناڤێ هه‌ڤژینا وی (برنادێت شیراك)ه‌، وه‌كه‌ سیاسه‌تڤانه‌كێ فرانسایێ خه‌بات و ته‌كوشینا خوه‌ ل گه‌ل پارتا یه‌كیتیا ژبۆ ته‌ڤگه‌را گه‌ل كریه‌.

سه‌رۆكێ وه‌فات كری، د سالا 1965ان ده‌ ل ساینتە – فەرەۆلەیێ وەکه‌ ئەندامێ ئه‌نجوومه‌نا باژێر دەست ب سیاسەتێ کر، پشتی پارله‌مەنتەریێ د سالا 1977ان ده‌ بوو شارەدارێ پاریسێ، ل سالا 1986ان ده‌ بوو سه‌ر وه‌زیرێ فرانسایێ و دو جاران سه‌ر وه‌زیرێ ولات بوو.

د ھلبژارتنا سەرۆکۆماری ئا 1995ان ده‌ بوو سه‌رۆك كۆمارێ فرانسایێ و 12 سالان د وێ وه‌زیفه‌یێ ده‌ مایه‌، پشتی ده‌ركه‌تنا وی ژ سه‌رۆكتیێ، ل سالا 2011ان ده‌ ب سووچا گه‌نده‌لیێ تێ دادگه‌هكرن و سزایێ 2 سالێن بنچاڤكرنی ژبۆ ده‌ركه‌تبوو، لێ به‌لێ بجیكرنا سزای هاتبوو راگرتن.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg