ئه‌ردۆگان: مه خه‌به‌ره‌كه كو دلێ ب شه‌وتینه هلنه‌دایه
ئه‌ردهه‌ژه‌كه ب هێزا 5.8 پله‌یێن پیڤه‌را رێخته‌رێ، ئیرۆ رۆژا پێنجشه‌می ل ده‌ریا مه‌رمه‌ره‌یێ خست، ناڤه‌ندا سته‌نبۆلێ و پارێزگه‌هیێن ده‌ردوور هه‌ست پێ كرنه.
ئیرۆ ئه‌ردهه‌ژه‌كه ب هێزا 5.8 ل گۆری پیڤه‌را رێخته‌ر ل ده‌ریا مه‌رمه‌ره‌یێ خست و ته‌ڤایا باژارێ سته‌نبۆلێ و پارێزگه‌هی ئێن ده‌ردوورا وێ هه‌ست پێ كرنه، ترسه‌كه مه‌زن ل جه‌م خه‌لك چێبوو و ده‌ركه‌تن جاده‌یان تایبه‌ت ل وان ناڤچه‌یێن كو زێده هه‌ژیانه.
سازیا ئافادێ ئا تركیێ به‌لاڤكر كو پشتی ئه‌ردهه‌ژا یه‌كه‌مین ئا ده‌ریا مه‌رمه‌ریێ، 28 ئه‌ردهه‌ژێن دن ل په‌ی چێبوون، لێ به‌لێ ئه‌ردهه‌ژێن بچووك بوون و وه‌ك یا یه‌كه‌مین هه‌ست پێ نه‌هات كرن.
سه‌رۆك كۆمارێ تركیێ د ده‌ربارا ئه‌ردهه‌ژا سته‌نبۆلێ ده، داخویان دا و وها ئاخڤی: “د ڤێ ئه‌ردهه‌ژێ ده كو مرۆڤ دكاره وه‌كه ئه‌ردهه‌ژه‌كه مه‌زن ب هه‌سبینه، مه چه‌ند خسارێن بچووك دایینه، لێ به‌لێ هه‌یا نها مه خه‌به‌ره‌كه كو دلێ مه ب شه‌وتینه هلنه‌دایه”.
ره‌جه‌ب ته‌یب ئه‌ردۆگان كو پشتی گهایه سته‌نبۆلێ ل مالا مێڤانان ئا ده‌وله‌تێ ل باله‌فرگه‌ها ئاتاتۆرك د ده‌رهه‌قا ئه‌ردهه‌ژێ ده ئاخڤی و گۆت: هه‌یا نها 28 ئه‌ردهه‌ژێن ل په‌ی هه‌ڤ ئێن بچووك چێبوونه.
ل ئه‌ردهه‌ژا ئیرۆ ئا سته‌نبۆلێ 8 هه‌مولاتی بریندار كه‌تنه، لێ به‌لێ برینێن وان نه گرانن.
