سەرۆکێ ئەمەریکایێ دەستهەلاتا رێگری کرن ژ هاتنا مەزنە بەرپرسێن ئیرانێ بۆ ولاتێ خوە دایە دەست وەزارەتا دەرڤە.
کۆچکا سپی د بەیانەکە نڤیسکی دە ئەشکەرە کر کو دونالد ترامپ وەزارەتا دەرڤە ب رێیا نامەیەکێ سەرپشک کریە ژبۆ رێگری کرنێ ل هاتنا مەزنە بەرپرسێن کۆمارا ئیسلامی ئا ئیرانی بۆ ئەمەریکایێ، تایبەت بەرپرس و ئەندامێن مالباتا هەسەن رۆهانی.
د بەیانا کۆچکا سپی دە هاتیە: ئیران پالپشتیا تەرورێ دکە و هەمولاتی ئێن ئەمەریکی ب ئاوايه‌كی نە رەوا دەستەسەر دکە و هەرەشان ل هەڤسۆیێن خوە دکە و ئێریشێن ئەلیکترۆنی ئێن وێرانکەر ئەنجام ددە.
ترامپ د نامەیێ دە گۆت: د چارچووڤەیا وان کریارێن هەرەشێ ل ئاشتی و ئارامیێ دکەن د ناڤچەیا رۆژهلاتا ناڤین و ناڤجەیێن دن ده، بریار هات دایین مەزنە بەرپرسێن ئیرانێ نەهێن ئەمەریکایێ.
هەروها دیار کر ژ بۆ بەرژەوەندیا ڤی ولاتی و رێگری کرن و سینوردار کرنا هاتنە ناڤا مەزنە بەرپرسێن ئیرانێ ئەڤ بریار هاتە دایین.
