ل ئه‌فغانستانێ هلبژارتنن و تالیبان بنگه‌هان د ته‌قینه‌

ل ئه‌فغانستانێ هلبژارتنن و تالیبان بنگه‌هان د ته‌قینه‌

هلبژارتنا سه‌رۆكتیا ئه‌فغانستانێ ئیرۆ ده‌ستپێكرنه‌، لێ به‌لێ ته‌ڤگه‌را تالیبانێ ژ سه‌رێ سبێ هه‌ده‌فا خوه‌ ل بنگه‌هێن ده‌نگدایینێ خستنه‌ و د ته‌قینه‌.

ئیرۆ رۆژا شه‌می هه‌موه‌ختا برێڤه‌چوونا ده‌نگدایینا ژبۆ هلبژارتنێن سه‌رۆكتیێ ل ئه‌فغانستانێ، ته‌قین ل چار باژارێن و‌لات كابول ئا پایته‌خت، غه‌زنه‌، جه‌لال ئاباد و قه‌نده‌هارێ چێبوون ، هه‌ده‌فا ته‌قینان بنگه‌هێن ده‌نگدایینێ نه‌.

هێزێن ئه‌وله‌هیێ ئێن ئه‌فغانستانێ ئه‌شكه‌ره‌ كرن، د ته‌قینێن هه‌ر یه‌ك ژ باژارێن كابۆلێ، غه‌زنه‌ و جه‌لال ئابادێ ده‌، زرارێن جانی هه‌نه‌.

د ته‌قینا قه‌نده‌هارێ ئا باشوورێ ئه‌فغانستانێ ده‌، ته‌نێ 3 كه‌س بریندار بوونه‌ كو ژبۆ مه‌بستا ده‌نگ دایینێ، قه‌ستا وێ بنگه‌هێ كربوون، هینا نها تو ئالیان به‌رپرسیاری ئا ته‌قینێ نه‌راكرنه‌، لێ به‌لێ هێزێن ئه‌وله‌هیێ شكا وان ل ته‌ڤگه‌را تالیبانێ یه‌.

ئیرۆ ل سات 7 سه‌ر سبێ، ده‌ریێن بنگه‌هێن ده‌نگ دایینێ ل همبه‌ر گه‌لێ ئه‌فغانێ ژبۆ هلبژارتنا سه‌رۆكه‌كه‌ نوو ژبۆ ولات، هاتن ڤه‌كرن، هێزێن ئه‌وله‌هیێ ژی 72 هزار پۆلیس و كارمه‌ندێن ئه‌وله‌هیێ ژبۆ سلامه‌تی ئا هلبژارتنێ ده‌رخستنه‌ جادێ.

هه‌موه‌ختا بارێ ئه‌وله‌هیێ ئێ خراب، ترسا گه‌لێ ئه‌فغانێ نه‌ ته‌نێ ژ ته‌قینان هه‌یه‌، ب نه‌رینا وان ئه‌ڤ هلبژارتن ژ ته‌زویرێ ڤالا نابه‌، لێ به‌لێ كۆمسیارێ هلبژارتنان ل ئه‌فغانستانێ مهه‌مه‌د مه‌ولانا دبێژه‌: وان هه‌موو پێویستێن ته‌كنیك وه‌رگرتنه‌ ژبۆ كو تو ساخته‌ نه‌ ده‌ركه‌ڤن هۆلێ.

د هلبژارتنا ئیرۆ ئا ئه‌فغانستانێ ده‌، 9 ملیۆن هه‌مولاتیان مافێ ده‌نگ دایینێ هه‌یه‌، هلبژارتن ل 34 هه‌رێمێن ئه‌فغانستانی برێڤه‌ دچه‌.

پوستێن ھەمان بەش

گولان گارزان ئەو ژنا ب نهێنیێن خوە ڤە ھاتە بن ئاخکرن

گولان گارزان ئەو ژنا ب نهێنیێن خوە ڤە ھاتە بن ئاخکرن