باله‌فرێن جه‌نگی ئێن تركیێ و ئه‌مه‌ریكایێ، گه‌را هه‌ڤه‌به‌شا ئاسیمانی ئا 7ان ل رۆژهلاتێ فراتێ كر، ئه‌ڤ ژی د چارچووڤه‌یا هازریا ئاڤاكرنا هه‌رێما ئه‌وله‌هیێ تێ كرن.
رۆژا شه‌می 28/9/2019 باله‌فرێن جه‌نگی ئێن تركیێ و ئه‌مه‌ریكایێ د چارچووڤه‌یا هازریێن ئاڤاكرنا هه‌رێما ئه‌وله‌هیێ ل باكوورێ سووریێ ناڤچه‌یا رۆژهه‌لاتێ فراتێ، گه‌را ئاسیمانی ئا هه‌ڤبه‌ش پێكئانین.
باله‌فرێن تركیێ و ئه‌مه‌ریكایێ ژ كۆمیته‌یا له‌شكری ئا هه‌ڤبه‌ش ئا ئۆرفایێ به‌ر ب رۆژهلاتێ فراتێ كه‌تنه رێ كو 2 باله‌فر ئێن تركیێ و 2 باله‌فر ئێن ئه‌مه‌ریكایێ بوون.
باله‌فران ل ئالیێ سووریێ قەدەرێ ساتەکێ فریان، پشتره ڤەگەرینه كۆمیته‌یا هه‌ڤبەش ئا له‌شكری ل ئورفایێ.
ھێزێن ئارته‌شا ترکیێ و ھێزێن ئارته‌شا ئه‌مەریکایێ، بەرێ ژی 6 جاران ب ھەڤ را دەرکەتن گه‌را باله‌فران و 2 جاران ژی دەرکەتبوون گه‌را به‌ژایێ.
ئه‌نقه‌رێ و واشنتۆنێ لهه‌ڤهاتنا ئاڤاكرنا هه‌رێما ئه‌وله‌هیێ ئیمزا كرنه و ناڤچه‌یا رۆژهلاتێ فراتێ ئا باكوورێ سووریێ ژبۆ وێ هه‌رێمێ ده‌ست نیشان كرنه، تركی دخوازه رۆژهلاتێ فراتێ ژ یه‌كینه‌یێن هێزێن سووریا ئا ده‌مۆكراتیك (هسد)ێ وه‌ره ڤالا كرن و ب كووراهیا 20 كیلۆمه‌تران پاشده بچن.
سه‌رۆك كۆمارێ تركیێ ره‌جه‌ب ته‌یب ئه‌ردۆگان دبێژه: وێ پێتری 2 ملیۆن په‌نابه‌رێن سووریێ ل هه‌رێما ئه‌وله‌هیێ بجیبن.
پشتره ژی هشیاری دا ئه‌مه‌ریكایێ و وها ئاخڤی بوو: گه‌ر ئه‌مه‌ریكا هه‌نگاڤێن رژد ژ بۆ ئاڤاكرنا هه‌رێما ئه‌وله‌هیێ نه‌به، تركیێ وێ ته‌كئالی هه‌ره‌كه‌تا ئارته‌شێن خوه ل رۆژهلاتێ فراتێ ده‌ست پێ بكه.
