ل به‌یرۆتێ و هه‌ژماره‌كه باژاران خوه‌نیشاندان تێن كرن
گه‌لێ لبنانێ ئیرۆ ل به‌یرۆتا پایته‌خت و هه‌ژماره‌كا باژار و باژارۆكێن دنێن ولات، ده‌ركه‌تن خوه‌نیشاندانان و نه‌رازیبوونا خوه ژ بۆ ره‌وشا هه‌ری خراب ئا ئابووری كرن.
ئیرۆ رۆژا یه‌كشه‌می 29/9/2019 ب سه‌دان هه‌مولاتی ئێن لبنانێ ل باژارێ به‌یرۆتێ و هه‌ژماره‌كا باژارێن دن، ده‌ركه‌تن جاده‌یان و نه‌رازیبوونا خوه ژبۆ ره‌وشا هه‌ری خراب ئا ئابووری دیار كرن، چالاكێن لبنانێ ژ بۆ كو ئه‌ڤ خوه‌نیشاندان وه‌ره پێكئانین، بانگا گه‌ل د رێیا سوشیال مه‌دیایێ كربوو.
خوه‌نیشانده‌ران ل به‌یرۆتێ سلۆگانێن دژی هكوومه‌تێ و سه‌رمایه‌داریێ راكر بوون، وان د خوه‌ست ره‌وشا ژیارا وان وه‌ره باش كرن.
یه‌ك ژ سلۆگانێن هه‌ری به‌رچاڤ د خوه‌نیشاندانێ وها ل سه‌ر هاتبوو نڤیساندن: “مه هكوومه‌ته بسپۆر دڤێ نه‌ك هكوومه‌ته‌كه خوینمژ”.
هه‌موه‌ختا خوه‌نیشاندا به‌یرۆتێ ل باژارێن سه‌یدا و ته‌رابلسا باكوور، ب ده‌هان خۆرتان خوه‌نیشاندان كرن و سلۆگانێن دژی سیاسه‌تا ئابووری ئا هكوومه‌تێ گۆتن.
تێ زانین لبنان نها د قه‌یرانه‌كه دراڤی ده‌یه، قه‌رێن وێ ئێن گشتی تنێ د چارێكا یه‌كان ئا 2019ان ده گهیشتبوو 86.2 ملیار دۆلاران، هه‌ر وه‌كه وه‌زاره‌تا دارایی ئا هكوومه‌تا لبنانێ ئه‌شكه‌ره كری.
