سه‌رۆكی رووسیا فه‌ده‌رال فلاده‌مێر پۆتین مۆبایله‌كه هه‌ری ئێمن بكار تینه ب ئاوایه‌كی كو ئارته‌شا رووسیایێ هه‌یڤه‌كه ده‌ستكرد ئا له‌شكری خستیه د خزمه‌تا پاراستنا په‌یوه‌ندیێن سه‌رۆكێ خوه ده.
ل گۆر رۆژنامه‌یا مۆسكۆفسكی كۆمسۆمۆلیتس ئا رووسیایێ، فلاده‌مێر پۆتین، مۆبایله‌كه هه‌ری تایبه‌ت و ئێمن ژبۆ په‌یوه‌ندیێن خوه ئێن ده‌رڤه‌ی كۆچكا سه‌رۆكتیێ ب كار تینه كو ده‌رفه‌تا هاك بوونا وێ تونه‌یه، ژبه‌ر كو ئه‌و مۆبایل راسته راست ب هه‌یڤه‌كه ده‌ستكرد ئا له‌شكری ڤه هاتیه گرێدان.
هه‌ر وها د ده خوه‌یا كرن كو ده‌رفه‌ته‌كه هه‌ری كێم ژی، ژبۆ كو سیخۆرى ل سه‌ر په‌یوه‌ندیێن پۆتین ئێن ب رێیا وێ مۆبایلێ تونه‌یه.
ئه‌ڤ مۆبایل ده‌ما كو پۆتین پێ د ئاخڤه، ئه‌و په‌یوه‌ندی ژبۆ هه‌یڤا ده‌ستكرد تێ ڤه‌گوهاستن، پشتره تێ كۆد كرن، ئه‌ڤ كۆد ژی ل ئاسته‌كی هه‌ری به‌رز نهێنی یه كو ژبۆ ڤه‌كرن و شیرۆڤه‌كرنا وان، چه‌ندین سال پێویستن.
