ل ھندستانێ ژبەر بارانێن توند کو ژ تیرمه‌ها ئیسالێ ده‌ستپێكرنه، زێدەتر ژ 1600 مرۆڤان جانێ خوه ژده‌ستدا.
ل گۆری نووچەیێن مه‌دیا ھندستانێ كو پشتبه‌ستنێ ب داتایێن حكوومه‌تێ دكه‌ن، ئیسال ل وی ولاتی زێده‌تر ژ 1600 مرۆڤان ب ئه‌گه‌را بارانێن توند كو ژ تیرمه‌ها رابووری ده‌ستپێكرنه، جانێ خوه ژ ده‌ستداینه.
ئه‌ڤ هه‌ژمار ب به‌راوردكرنێ ل گه‌ل 25 سالێن رابووری ب مه‌زنترین هژمارا قوربانیێن باران و لافاوێ دهێنه زانین كو گه‌هشتنه 1673 كه‌سان.
ژبەر ڤێ بارانا توند هژمارا ھەری زێدە یا مرۆڤێن كو جانێ خوه ژده‌ستداینه ل ویلایه‌تا ماھاراشترایێ نه کو هژمارا قوربانیان 371 کەسن.
حكوومه‌تا هندستانی دیاركر، هه‌رفینا دیوار و ئاڤاهیان ژبه‌ر بارانێ، سه‌ده‌ما سه‌ره‌كی یا مرنا مرۆڤان بوو.
بارانا توند کو ل ئاسیا باشوور د ناڤبەرا مه‌هێن تیرمه‌هـ و ئیلۆنێ دا كارتێكرنا وێ گه‌له‌كه، ھەرسال دبیته سەدەما روودانێن مه‌زن یێن مرنێ .
