سه‌رۆكایه‌تیا رووسیا فه‌ده‌رال، چوونا سپایێ توركیا بۆ ناڤچه‌یا رۆژهلاتێ فراتێ ب ل باكوورێ سووریا وه‌كه مافه‌كێ وی ولاتی ته‌ماشه دكه.
كۆچكا سه‌رۆكایه‌تیا رووسیا فه‌ده‌رال كرملێنێ، ئیرۆ هه‌لویستێ خوه ل سه‌ر پلانا ئه‌نقه‌رێ بۆ ئاڤاكرنا هه‌رێما ئارام ل ناڤچه‌یا رۆژهلاتێ فراتێ یا باكوورێ سووریا ئاشكه‌را كر و چوونا توركیا بۆ وێ ناڤچه‌یێ وه‌كه ماف دبینیت.
دێمێتری پسكۆف به‌رده‌ڤكێ كرملێنێ د وێ ده‌ربارێ دا گۆت: مافێ توركیا هه‌یه به‌ره‌گریێ ژ خوه بكه‌ت، لێ پێدڤیه ل ده‌ستپێكێ یه‌كپارچه‌یا خاكا سووریێ پاراستی به.
دوهی ره‌جه‌ب ته‌یب ئه‌ردۆگان د مژارا هه‌رێما ئارام دا هشیار دا ئه‌مه‌ریكایێ و ب بیرئینا كو ئه‌و وه‌ختا كو ئه‌نقه‌رێ ژ بۆ واشنتۆنێ ده‌ستنیشان كری ب داوی بوویه، ئه‌نقه‌ره هه‌نگاڤێن ب كریار ژبۆ هه‌رێما ئارام دخوازیت، ئه‌گه‌ر ئه‌و هه‌نگاڤ نه‌بن، توركیا دێ یه‌ك ئالی لڤینێ بۆ رۆژهلاتی فراتێ بكه‌ت.
دانوستاندنا ئه‌نقه‌ره و واشنتۆنێ ژبۆ ئاڤاكرنا هه‌رێمه‌كا ئارام ل رۆژهلاتێ فراتێ هاتنه كرن، لهڤه‌هاتنه‌ك ژی چێبوویه، لێ ب نه‌رینا ئه‌نقه‌ره، واشنتۆنێ هه‌نگاڤێن جدی ل ڤێ ده‌ربارێ دا نینن.
