پۆتین: ئیرانێ ئێریش نه‌كریه‌ ئارامكۆ

پۆتین: ئیرانێ ئێریش نه‌كریه‌ ئارامكۆ

سه‌رۆكێ رووسیا فه‌ده‌رال ئیرۆ ره‌د كر كو ئیرانێ ده‌ست ل گه‌ل ئێریشا سه‌ر ئارامكو هه‌بیت و هه‌روها گۆت: ئه‌مه‌ریكایێ به‌لگه‌ لسه‌ر ته‌هرانێ نینه‌.

فلادیمێر پۆتین ئیرۆ رۆژا چارشه‌مبیێ 2/10/2019 لدۆر مژارا ئالۆزیا ئیرانێ و سعوودیێ و هه‌روها ئه‌مه‌ریكایێ داخویانی دا و وها گۆت: ئیران ئێریشی كومپانیا ئارامكۆ نه‌كریه‌، نه‌ ئه‌مه‌ریكایێ و نه‌ چ ولاته‌كی به‌لگه‌ ل سه‌ر ئیرانێ نینن.

پۆتین ئیرۆ ل كۆنگره‌یه‌كا ئابووری و ووزێ ل مۆسكۆ ئاخڤی و هه‌روها گۆت: ل چارچووڤێ جڤینێن نه‌ته‌وێن یه‌كگرتی دا، فرانسایێ هه‌ولێن رێخستنا كۆمبوونه‌كێ ل ناڤبه‌را ئه‌مه‌ریكا و ئیرانێ دا كر لێ ئیرانێ ژبۆ جڤینا ل گه‌ل ئه‌مه‌ریكایێ، راكرنا سزا و دۆرپێچێن لسه‌ر وێ هاتنه‌ سه‌پاندن دكه‌ت.

ل 14 مه‌ها ئیلۆنێ یا ئیسال، كومپانیا نه‌ته‌وه‌یی یا په‌ترۆلا سعوودیێ ئارامكۆ كه‌فته‌ به‌ر ئێریشه‌كا ئاسیمانی، ئه‌مه‌ریكا و ئه‌ره‌بستانا سعوودیێ دبینن كو ئیرانێ ئێریش كریه‌.