د خوه‌نیشاندانێن به‌غدایێ دا 16 كوشتی و 400 بریندار هەنە

د خوه‌نیشاندانێن به‌غدایێ دا 16 كوشتی و 400 بریندار هەنە

 خوه‌نیشاندانێن به‌غدایێ ئیرۆ رۆژا پێنجشه‌مب جار دن ده‌ستپێكرن، هێزێن ئه‌وله‌هیێ 4 خوه‌نیشانده‌ر كوشتن، هه‌ر چه‌ند كو حكوومه‌تا فه‌ده‌رال قه‌ده‌غه‌ راگهاندیه‌.

ئیرۆ ل ناڤه‌ندا باژارێ به‌غدایێ پایته‌ختا ئیراقێ، ب سه‌دان خۆرتێن نه‌رازی جاره‌كا دن ده‌ركه‌تن جادێ و خوه‌نیشاندانا خوه‌ یا 2 رۆژێن بووری ل دژی حكوومه‌تێ به‌رده‌وام كر، خوه‌نیشاندان ژناڤچوونا حكوومه‌تێ د خوازن.

هێزێن ئێمناهیێ ژبۆ به‌لاڤه‌پێكرنا ولاتیێن نه‌رازی ته‌قه‌ كرن، 4 خوه‌نیشانده‌ر كوشتن و بریندار ژی كه‌تن مه‌یدانا ته‌حریرێ.

خوه‌نیشاندانا ئیراقێ رۆژا سێشه‌مب یا 1/10/2019 ئاگرێ وێ ژ به‌غدایێ ده‌ستپێكر و ب سه‌ده‌ما ئالۆزی و په‌ڤچوونێ، د رۆژا یه‌كه‌م دا خوه‌نیشانده‌ره‌ك تێ كوشتن و نێزی 200ان بریندار كه‌تن.

ل رۆژا دویه‌مین، ئاگرێ خوه‌نیشاندانێ چوو پارێزگه‌هێن به‌سرا، نه‌جه‌ف و كه‌ربه‌لا و كه‌ركووك و بابل، په‌ڤچوون چێبوون و 11 خوه‌نیشانده‌ر هاتن كوشتن و بریندار نێزی 400 كه‌سان دهاتن.

حكومه‌تا ئیراقێ ژبۆ كو ره‌وش ئارام ببه‌ و رێ ل خوه‌نیشاندانێ بگریت، قه‌ده‌غه‌یا ده‌ركه‌تنێ ئیرۆ ل پایته‌ختێ راگهاندیه‌.