گه‌لێ ئیراقێ 100 كوشتی و 4 هزار بریندار دانه‌

گه‌لێ ئیراقێ 73 كوشتی و 3 هزار بریندار دانه‌

هه‌ژمارا قوربانیێن خوه‌نیشاندانێن ئیراقێ پێتر بوونه‌ و ئیرۆ ئاماره‌كه‌ نوو هات ئه‌شكه‌ره‌ كرن كو د چار رۆژان ده‌، 100 كه‌س هاتنه‌ كوشتن و نێزی 4 هزاران بریندار كه‌تنه‌.

كۆمسیۆنا مافێن مرۆڤان یا ئیراقێ كو سازیه‌كه‌ بێئالی یه‌، ئیرۆ ئاماره‌كه‌ نوو یا زیانێن جانی یێن خوه‌نیشاندانێن به‌غدایێ و پارێزگه‌هێن دن یێن ئیراقێ ئه‌شكه‌ره‌ كر كو ل گوری وێ ئامارێ، 100 كه‌سان جانێ خوه‌ ژ ه‌ستدانه‌ كو هنه‌ك ژ وان ژ هێزێن ئه‌وله‌هیێ نه‌.

كۆمسیۆنا مافێن مرۆڤان هه‌ر وها دبێژه‌: ژ به‌ر كو هێزێن ئه‌وله‌هیێ توندوتیژی هه‌ر زێده‌ ب كار ئانی‌، نێزی 4  هزار كه‌سان د خوه‌نیشاندانێن ئیراقێ ده‌ بریندار كه‌تنه‌.

ئه‌ڤ ئامار ل ئالێ حكوومه‌تا فه‌ده‌رال هه‌یا نها نه‌هاتیه‌ سه‌ر راستكرن، هنه‌ك چاڤكانیێن ته‌ندروستیێ ژی هه‌ژمارا كه‌سێن جانێ خوه‌ ژ ده‌ستدای ب پێتری 100 كه‌سان ته‌خمین كرنه‌.