ولاتێ چینێ ئیرۆ رۆژا شه‌مبی 5/10/2019 هه‌یڤه‌كه ده‌ستكرد ره‌وانه‌ی ڤالاهیا ئاسیمان كر كو دێ ب ئاوایه‌كی هه‌ری زه‌لال چاڤدێریا هه‌سارا ئه‌ردی كه.
ل گور ئاژانسا نووچه‌یێن Şinhua، كۆمارا چینێ ئیرۆ هه‌یڤا ده‌ستكرد یا ب ناڤێ Gaofın-10 ب رێیا كه‌شتیه‌كێ ژ ویلایه‌تا شانسی به‌ر ب ڤالاهیا ئاسیمانی ب رێ كر، ئه‌ركا وێ هه‌یڤا ده‌ستكرد، دێ چاڤدێریا گۆیا زه‌مین هه‌سارا ئه‌ردی به.
هه‌یڤا ده‌ستكرد ب رێیا كه‌شتیا Long March-4C یا دوور مه‌ودا هات ره‌وانه‌كرن كو دێ كارینا چاڤدێریا هه‌سارا ئه‌ردی ب زه‌لالی و هویری هه‌به، هه‌ر وها دێ به‌رده‌وام داتا و دیمه‌نان ژ بۆ بنگه‌ها خوه شینیت كو ئه‌و داتا دێ تایبه‌ت بن ب كارێن نه‌خشه‌سازی و نه‌خشه و پلاندانانێ ل جیهانێ، هه‌ر وها كارێن ئیمێرنجسی و رێكان.
رۆكێت ئانكۆ كه‌شتیا هه‌یڤا ده‌ستكرد Gaofın-10 شاندیه ئاسیمان، ژ ئالێ ئه‌كادیمیا ته‌كنۆلۆژیا ئاسیمانی و فرینێ شه‌نگه‌هایێ هاتیه ئاڤاكرن.
پرۆژه‌یا ئاڤاكرنا هه‌یڤا ده‌ستكرد یا ب ناڤێ Gaofın-10 ل سالا 2010ان ده ده‌ستپێكربوو، ئیرۆ ژی به‌ر ب ڤالاهیا ئاسیمان هات برێكرن.
كۆمارا چینێ پشتی هه‌ر یه‌ك ژ ولاتێن ئه‌مه‌ریكا و چینێ ته‌ڤلی هه‌ڤركیا ته‌كنۆلۆژیا ئاسیمان بوویه، وێ كاریه د ده‌مه‌كا هه‌ری كێم ده بگه‌هه ئاستا وان ولاتان.
