هێزێن سووریا یا دمۆكراتیك هه‌سه‌دێ، ئیرۆ به‌رسڤا سه‌رۆك كۆماریێ تركیێ دا و هشیاری ژ جه‌نگه‌كه به‌رفره‌هـ دان.
هێزێن سووریا یا ده‌مۆكراتیك ئیرۆ رۆژا شه‌مبی و وه‌كه به‌رسڤ ژ بۆ گۆتنا ره‌جه‌ب ته‌یب ئه‌ردۆگان كو ئیرۆ گۆتیه: “ئێریشا سه‌ر رۆژهلاتێ فراتێ وه‌ختا وێ گه‌له‌ك نێزیكه”، راگهاند؛ ئه‌و ل سه‌ر هه‌ر ئێریشه‌كه تركیێ بێده‌نگ نامینن.
كينۆ گابریێل به‌رده‌ڤكێ هه‌سه‌دێ ئیرۆ رۆژا شه‌مبی ئه‌شكه‌ره كر، هه‌ر ئێریشه‌كه تركیێ ل ناڤچه‌یێن سووریێ بهێت كرن و هێزێن هه‌سه‌دێ بكه ئامانج، وێ ده‌ری ژ بۆ جه‌نگه به‌رفره‌هـ ئا هه‌مه ئالی ڤه‌كه‌ت، ب ئاوایه‌كی كو نه‌دوور ره‌وشا سووریێ ژ بۆ به‌ریا سالا 2012ان ڤه‌گه‌رینه.
گابریێل دبێژه: “ئێریشه‌كا وها ژ ئالیێ تركیێ ڤه دێ ئاساییشا ناڤچه‌یێ ب ئاوایه‌كێ ته‌مام ئالۆز بكه‌ت و باندۆرا وێ ژی ل سه‌ر جه‌نگا هه‌سه‌دێ یا ل دژی داعشێ دێ گه‌له‌ك به”.
سه‌رۆكێ تركیێ ئیرۆ لدۆر هه‌رێما ئه‌وله‌هیێ وها ئاخڤی: “وه‌ختا مه نه‌ما، ئاخفتن خه‌لاس بوو، ئێریش وێ ده‌ست پێ بكه، ئه‌نقه‌ره وێ ناڤچه‌یا ئارام ئاڤا بكه”.
هێزێن سووریا ده‌مۆكراتیك ژ ئالیێ ئه‌مه‌ریكا ڤه تێ پشتگریكرن، رۆلا وێ د شه‌رێ دژی ته‌رۆرا داعشێ دا هه‌ری به‌رچاڤبوو، لێ به‌لێ تركیێ ترس ژ هه‌بوونا وێ هێزێ ل نێزی سنۆرێ خوه هه‌یه.
