رووسیا پشتگریێ ل ڤه‌نزوێلا دكه‌

رووسیا پشتگریێ ل ڤه‌نزوێلا دكه‌

جێگرێ سه‌رۆكێ حكوومه‌تا رووسیا فه‌ده‌رال ژ بۆ كو پشتگریا ولاتێ خوه‌ ژ بۆ ڤه‌نزوێلایێ بده‌ دیاركرن، دچه‌ ڤه‌نزوێلا و ل گه‌ل سه‌رۆك نیكۆلاس مادۆرۆ د جڤه‌.

یۆری بۆریسۆف جێگرێ سه‌رۆكێ حكوومه‌تا رووسیا فه‌ده‌رال سه‌ردانا ڤه‌نزوێلا كر و هه‌ر راست ل كراكاس یا پایته‌خت ل گه‌ل سه‌رۆكێ وێ نیكۆلاس مادۆرۆ جڤیا، وی پشتگریا رۆسیایێ ژبۆ مانا وی ل ده‌ستهلاتێ ته‌كه‌ز كر.

بۆریسۆف و مادۆرۆ تێكلیێن مۆسكۆ و كراكاسێ گۆتوبێژكرنه‌، ب نه‌رینا وان نها ئه‌و تێكلی د باشترین وه‌ختا خوه‌ ده‌نه‌، ژ به‌ر كو هات پشتراستكرن كو ل وه‌ختا قه‌یرانێ  رووسیایێ پشت نه‌دا ڤه‌نزوێلا.

نیكۆلاس مادۆرۆ سپاسیا مۆسكۆیێ كر كو ئالیكاریا وێ ژبۆ فرۆشتنا په‌ترۆلێ دكه‌، هه‌ر چه‌ند كو ئه‌مه‌ریكا سزا و دۆرپێچ ل سه‌ر سه‌پاندنه‌.

ئه‌مه‌ریكا و چه‌ندین ولاتێن رۆژئاڤا و ئێن لاتین، نیكۆلاس مادۆرۆ ب سه‌رۆكه‌كه‌ نه‌ شه‌رعی دبینن و ب ساخته‌كرنا ئه‌نجاما هلبژارتنا 2018ان سووچبار دكن، لێ به‌لێ هه‌ر یه‌ك ژ چینێ و رووسیایێ پشتگریه‌كا ته‌مام ژبۆ كر.

ژ قه‌یرانا ڤه‌نزوێلایێ كو ل سالا ده‌رباسبووی ب ئه‌گه‌ر هلبژارتنا سه‌رۆكتیێ ده‌ستپێكربوو كو خوان گوایدۆ ئێ سه‌رۆكێ ئۆپۆزسیۆنێ سه‌ركه‌تنا خوه‌ د هلبژارتنێ ده‌ راگهاند و خوه‌ وه‌كه‌ سه‌رۆكێ ولات دا ناساندن، لێ به‌لێ نیكۆلاس مادۆرۆ ره‌دكر كو ئه‌و كورسیا ده‌ستهلاتی به‌رده‌، ئه‌مریكا سزا ل سه‌ر سه‌پاندنه‌ و پشتگری ژبۆ گوایدۆ راگهاند، لێ به‌لێ ولاتێن به‌ره‌یا دژبه‌ر و هه‌ڤركێن ئه‌مه‌ریكایێ پشتگریا مادۆرۆ كرن.