ئه‌ردۆگان چه‌ته‌ ژبۆ رۆژهلاتێ فراتێ ئاماده‌كرنه‌

Artasha azad 3

ئارته‌شا ئازاد ئا سووریێ كو ژ ئالێ تركیێ ڤه‌ تێن پشتگریكرن، ئاماده‌كاریێن وێ ژبۆ ده‌رباسبوونا رۆژهلاتا فراتێ هه‌نه‌، ئه‌و ل به‌ندا فه‌رمانا دستپێكرنا هه‌ره‌كه‌تێ نه‌.

چاڤكانیێن رۆژئاڤا كوردستانێ ئه‌شكه‌ره‌ كرن كو میلیتانێن ئارته‌شا ئازاد یا سووریێ كو ئارته‌شا تركیێ راسته‌ راست پشتگریێ لێ دكه‌ د ئالاڤێن مه‌شق و چه‌كان ده‌، وان ئاماده‌كاریێن خوه‌ ژ بۆ ئۆپه‌راسیۆنا رۆژهلاتا فراتێ كرنه‌.

یه‌كینه‌یێن حه‌مزه‌ و سلێمان شاهـ یێن ئارته‌شا ئازاد یا سووریێ ل ناڤه‌چه‌كه‌ عه‌فرینا داگیر كری ده‌ست ب مه‌شق و ئاماده‌كاریێ ژ بۆ ئۆپه‌راسیۆنا رۆژهلاتێ فراتێ كرنه‌.

سه‌رۆك كۆمارێ تركیێ ره‌جه‌ب ته‌یب ئه‌ردۆگان ل داوی گۆتنا خوه‌ یا ده‌ربارا رۆژهلاتا فراتێ دیاركربوو كو وه‌ختا وان تونه‌یه‌، ئاخفتن خه‌لاس بوو ئێدی وه‌ختا ئێریشێ هاتیه‌، دبه‌ ل هه‌ر ده‌مێ ده‌ست پێ بكه‌، ئیرۆ یان سبه‌ ئه‌و نزانن.

میلیتانێن یه‌كینه‌یێن حه‌مزه‌ ل سالا 2015ان ل بن سه‌یوانا ئارته‌شا ئازاد یا سووریێ هاتبوو ئاڤاكرن و به‌شداری ئۆپه‌راسیۆنێن مه‌رتالا فراتێ و چقلێ زه‌یتوونێ بوو، ئه‌و ئۆپه‌راسیۆنێن هه‌رێما عه‌فرینێ پێ هاتی داگیر كرن.