ئه‌مه‌ریكا ده‌نگێ خوه‌ كر، ئیراق وێ ل 25 ئۆكتۆبه‌رێ ببه‌ ئاگر

شرۆڤه‌كرنه‌كا ئه‌مه‌ریكی یا خه‌ته‌ر لدۆر خوه‌نیشاندانێن ئیراقێ

حكوومه‌تا فه‌ده‌رال وێ هلوه‌شیت و رێخستنێن ته‌كفیری دێ سه‌رهلده‌ن

پێگه‌هه‌كه‌ هه‌ری دیار یێ ئه‌مه‌ریكی، خوه‌نیشاندانێن ئیراقێ شیرۆڤه‌ كرنه‌ و وها نڤیساندیه‌: “خوه‌نیشاندان وێ ببه‌ سه‌ده‌ما لادانا حكوومه‌تا فه‌ده‌رال، ئه‌ڤ یه‌ك وێ هه‌ر چێببه‌، ئیرۆ به‌ یان سبه‌، داعش و رێخستنێن ته‌كفیری وێ جار دن ده‌ركه‌ڤن، خوه‌نیشاندان وێ ل 25 ئۆكتۆبه‌رێ گه‌له‌ك به‌رفره‌هـ بن”.

ناڤه‌ندا ستراتفۆر یا له‌كۆلینێن ستراتیجی یا ئه‌مه‌ریكی ئیرۆ وه‌شانه‌ك د ده‌ربارا خوه‌نیشاندانێن ئیراقێ یێن رۆژێن ده‌رباسبووی ده‌ وه‌شاندیه‌ و دبێژه‌: “ئه‌گه‌را دژواربوونا خوه‌نیشاندانان د وه‌خته‌كا هه‌ری كێم ده‌، ژبۆ وان ئازاران ڤه‌دگه‌ره‌ كو گه‌لێ ئیراقێ ب درێژاهیا سالان هه‌نه‌، گه‌ر ب وی ئاوایێ ده‌وام كرن، وێ بنه‌ سه‌ده‌ما هلوه‌شانا حكوومه‌تێ”.

ئه‌ڤ گرنگترین خالێن وێ شیرۆڤێ نه‌ كو هنه‌ك ژ وان پر خه‌ته‌رن:

  • گه‌ر خوه‌نیشاندان ئاستا دژوار خوه‌نیشاندانان زێده‌ بوو، حكوومه‌ت وێ وه‌ره‌ هلوه‌شاندن.

  • سۆزێن عه‌بدولمه‌هدی چ باندۆره‌كا خوه‌ نه‌بوو.

  • ژبه‌ركو خوه‌نیشاندانان چ سه‌ركرده‌ نینن، نه‌ هێسانه‌ ژ ئالیێ حكوومه‌تێ ڤه‌ وه‌ره‌ كۆنترۆل كرن.

  • ئه‌شكه‌ره‌ بوویه‌ كو سعوودی د سۆشیال مه‌دیایێ ده‌ پشتگری بۆ خوه‌نیشاندانان كریه‌.

  • به‌رنامه‌یا عه‌بدولمه‌هدی ژبۆ ئارامكرنا ره‌وشێ راگهاندی، نایێ بجیكرن، ژبه‌ركو ئالیێن شیعه‌ ناكۆكی ل سه‌ر ئاوایێ بجیكرنێ هه‌نه‌.

  • پێشبینی تێ كرن حكوومه‌تا عه‌بدولمه‌هدی ده‌ست ژ كار بكشینه‌، ئیرۆ نه‌ سبه وێ ئه‌ڤ یه‌ك چێببه‌‌.

  • خوه‌نیشاندانا هه‌ری مه‌زن وێ ل 25 ئۆكتۆبه‌رێ وه‌ره‌ كرن كو ئه‌و ژڤان دبه‌ سالیادا یه‌كه‌مین یا ده‌ستبكاربوونا عه‌بدولمه‌هدی.

  • پشتی 25 ئۆكتۆبه‌رێ سازیێن ئه‌مه‌ریكی ل ئیراقێ وی بنه‌ ئامانجا هنه‌ك میلیشیایێن گرێدای ئیرانی ل ئیراقێ، تایبه‌ت شركه‌تێن په‌ترۆلێ.

  • داعش و رێخستنێن جیهادی وێ جار دن سه‌رهلبده‌ن، ژ به‌ر كو هێزێن ئه‌وله‌هیێ وێ مژوولی كۆنترۆل كرنا خوه‌نیشاندانان بن.

  • حه‌شدا شه‌عبی چ رۆله‌كێ وێ د كۆنترۆل كرنا خوه‌نیشاندانێ ده‌ نابه‌، ژبه‌ركو ئه‌و ته‌مام گرێدای ئیرانێ یه‌ و دخوازه‌ ره‌وشا ئیراقێ ئاگرین به‌.