باله‌فرێن جه‌نگی ئێن تركیێ، جاره‌كه دن هه‌ره‌كه‌تێن چه‌كدارێن پارتا كاركه‌رێن كوردستانێ په‌كه‌كێ ل سینۆری ناڤچه‌یا چه‌مانكێ ئامانج كرن، ئێریش ب دووراتیا كیلۆمه‌تره‌كێ ژ شركه‌تێن په‌ترۆلێ بوو.
چاڤكانیێن تایبه‌ت ب داركا مازیێ ڤه ئه‌شكه‌ره كرن، ئێڤارا ئیرۆ رۆژا دوشه‌می، باله‌فرێن جه‌نگی ئێن تركیێ جاره‌كه دن چه‌كدارێن په‌كه‌كێ ل سینۆرێ ناڤچه‌یا چه‌مانكێ ل نێزی شركه‌تێن ده‌رخستنا په‌ترۆلێ كرنه ئامانج و زرار گهانه په‌كه‌كێ.
باله‌فرێن جه‌نگی، ل ده‌مژمێر 5:20 ئێڤارا ئیرۆ خالێن په‌كه‌كی ل چیایێ خێرێ ل نێزی گوندێ مسه‌له‌كا ئێ گرێدای چه‌مانكێ ل ناڤچه‌یا نه‌هلێ بۆردۆمان كرنه كو ب قه‌ده‌را كیلۆمه‌تره‌كێ دووری شركه‌تێن ده‌رخستنا په‌ترۆلێ بوونه.
چه‌كدارێن په‌كه‌كێ د هه‌یاما هه‌فتییه‌كێ ده، جارا دویه‌مینه خوه نێزی شركه‌تێن په‌ترۆلێ ل ناڤچه‌یا چه‌مانكێ دكه، ئه‌ڤ ژی ب هه‌وله‌كه وان ژ بۆ لێدانا ژێرخانا ئابوورا كوردستانێ تێ هه‌ساب كرن.
