سه‌رۆكێ ئه‌مه‌ریكایێ ئیرۆ هۆشداریه‌كه هه‌ری توند دا تركیێ و وها ئاخڤێ: “وێ ئابوورا تركیێ وێران بكم، گه‌ر سینۆر به‌زاندن”.
دۆنالد ترامپ ل وه‌ختا كو ده‌ستوورا ئێریشا رۆژهلاتا فراتێ ئیرۆ سه‌رێ سبێ ب تركیێ دایی، هه‌ر ئیرۆ ئێڤارێ هۆشداریه‌كه هه‌ری توند ل ئه‌نقه‌رێ كر و گۆت: “وێ ئابوورا تركیێ ب یه‌كجاری ژناڤببه‌م گه‌ر هه‌نگاڤه‌ك ژبۆ به‌زاندنا سینۆران ئاڤێت”.
ئه‌ڤ هۆشداریا ترامپی هه‌موه‌ختا بریارا ڤه‌كشاندنا له‌شكرێن ئه‌مه‌ریكایێ یه ژ باكوورێ سووریێ.
ترامپی ل سه‌ر هه‌سابا خوه ئا تویته‌رێ وها نڤیساندیه: “من د به‌رێ ژی ده ئه‌ڤ یه‌ك ته‌كه‌ز كریه، هه‌ر هه‌نگاڤه‌كه تركی ل ده‌رڤه‌ی سینۆران بهاڤێژه، ئه‌ز ب حیكمه‌تا خوه هه‌ری مه‌زن كه‌مه، وێ ئابوورا تركیێ ب ته‌مامه‌تی وێران و ئیمها بكه‌م، من ئه‌ڤ یه‌ك د به‌رێ ژی ده كریه”.
ئه‌ڤ هه‌لوه‌ستا ترامپ هه‌موه‌ختا گوهه‌رینێن ئیرۆ ئێن ناڤچه‌یێ تێ كو هێزێن سووریایا ده‌مۆكراتیك (هه‌سه‌ده)، ئه‌مه‌ریكا ب خیانه‌تا ل كوردان سووچبار كریه.
