سه‌رۆكتیا تركیێ د هه‌نگاڤا خوه ئا هه‌ری نوو ده ئه‌شكه‌ره كر، ئاماده‌كاریا ئێریشا باكوورێ رۆژهلاتا سووریێ د دۆمه و وێ گوهـ نه‌ده گه‌فا ئه‌مه‌ریكایێ.
فوئاد ئۆكتای، جهگرێ سه‌رۆك كۆمارا تركیێ ئیرۆ د به‌رسڤا گه‌فێن ئه‌مه‌ریكایێ و سه‌رۆكێ وێ دۆنالد ترامپ ده وها ئاخڤی: تركی ده‌وله‌ته‌ك نینه ب گه‌فا ده‌وله‌ته‌كا دن ته‌ڤ بگه‌ره، ئاماده‌كاریا ئێریشا باكوورێ رۆژهلاتا سووریێ وێ بدۆمه و وێ وه‌ره ئه‌نجام دایین.
هه‌روها دبێژه: په‌یاما مه ژ جڤاكا ناڤنه‌ته‌وه‌یی ره زه‌لاله، تركی ب گه‌فا ته‌ڤ ناگه‌ره، وه‌ختا نیقاش ئه‌وله‌هیا نه‌ته‌وه‌ئی به، تركی وێ سینۆرێن خوه ئێن باشوور ب پارێزه.
ئه‌ڤ گۆتنێن فوئاد ئوكتای، ئێ جهگرێ سه‌رۆكێ تركیێ وه‌كه به‌رسڤه‌كێ نه ژ بۆ په‌یاما شه‌ڤێ دن ئا دۆنالد ترامپ كو ل سه‌ر هه‌سابا خوه ئا تویته‌رێ نڤیساندبوو: وێ ئابوورا تركیێ ب یه‌كجاری ژناڤ ببه‌م گه‌ر هه‌نگاڤه‌ك ژبۆ به‌زاندنا سینۆران ئاڤێت.
ئه‌ڤ هه‌لوه‌ستا ترامپ هه‌موه‌ختا گوهه‌رینێن ئیرۆ ئێن ناڤچه‌یێ تێ كو هێزێن سووریا ئا ده‌مۆكراتیك (هه‌سه‌ده)، ئه‌مه‌ریكا ب ئيخانه‌تا ل كوردان سووچبار كریه.
