لاڤرۆڤ ب چاویشئۆغلو ره ئاخڤی
سه‌رگی لاڤرۆڤ ئێڤارا ئیرۆ په‌یوه‌ندی ب هه‌ڤتایێ خوه ئێ ترك كر پێشهاتا باكوورێ سووریێ پێره نیقاش كر.
وه‌زاره‌تا كارێن ده‌رڤه ئا رووسیا فه‌ده‌رال د به‌یانه‌كه نڤیسكی ده ئه‌شكه‌ره كر، ئێڤارا ئیرۆ رۆژا سێشه‌می، سه‌رگی لاڤرۆڤ وه‌زیرێ ده‌رڤه ئێ رووسیا ئیرۆ د ده‌ربارا رۆژهلاتێ فراتێ ده په‌یوه‌ندی ب هه‌ڤتایێ خوه ئێ تركیێ كر.
به‌یانێ تو ئاماژه ب هوندرێ په‌یوه‌ندیا لاڤرۆڤ و چاویشئۆغلو نه‌دا، ته‌نێ وها ده‌ستنیشانكر: “هه‌ردو وه‌زیران گۆ ئه‌مێ نیقاشێ بدۆمینن”.
په‌یوه‌ندیا لاڤرۆڤ ب چاویشئۆغلو، هه‌موه‌ختا سه‌ردانا وی ئا هه‌رێما باشوورێ كوردستانێ یه كو شه‌ڤێ دن ل گه‌ل سه‌رۆكێ پارتا ده‌مۆكراتا كوردستانێ، سه‌رۆكێ هه‌رێما كوردستانێ و سه‌رۆكێ هكوومه‌تا هه‌رێما جڤیا بوو.
د ته‌ڤ جڤینان ده، رایه‌دارێن باشوورێ كوردستانێ خوه‌ستن رۆلا رووسیا فه‌ده‌رال د پاراستنا كوردێن رۆژئاڤا ده هه‌به.
