زه‌ریف: ئه‌مێ ب سئوودیێ ره‌ ئاخڤین

وه‌زیرێ كارێن ده‌رڤه‌ ئێ كۆمارا ئیسلامی ئا ئیرانێ دبێژه‌: “گه‌ر ئه‌ره‌بستانا سئوودیێ ده‌ست ژ كوشتنا مرۆڤان به‌رده‌، ئه‌مێ نیقاشێ پێره‌ بكن”.

مهه‌مه‌د جه‌واد زه‌ریف، وه‌زیرێ كارێن ده‌رڤه‌ ئێ ئیرانێ، ئیرۆ رۆژا سێشه‌می د مژارا ده‌ست پێ كرنا نیقاشێ ب ئه‌ره‌بستانا سئوودیێ ره‌ داخۆیانی دا و وها ئاخڤی: “ئیرانێ وێ ئاماده‌ به‌ نیقاشێ ب سئوودیێ ره‌ پێك بینه‌، لێ به‌لێ دڤێ ل ده‌ستپێكێ سئوودی ده‌ست ژ كوشتنا مرۆڤان به‌رده”‌. ئه‌ڤ گۆتنا زه‌ریف ئاماژه‌یه‌ ژ بۆ شه‌رێ سئووديێ ئێ ل دژی یه‌مه‌نێ.

زه‌ریف هه‌ر وها خوه‌یا كر، وه‌ختا كو سئوودیێ ئه‌ڤ یه‌ك كر، ئیرانێ وێ ئاماده‌ به‌ پرسگرێكێن هه‌رێمی و ناڤچه‌یێ ل گه‌ل موزاكه‌ره‌ بكه‌.

ئه‌ره‌بستانا سئوودیێ ژ سالا 2015ان سه‌رۆكتیا هه‌ڤپه‌یمانێتیه‌كه‌ ئه‌ره‌بی ل دژی ته‌ڤگه‌را ئه‌نساروللا ئا حۆسیان ل ولاتێ یه‌مه‌نێ دكه‌، وێ ئه‌ڤ شه‌ر وه‌كه‌ پشتگری ژ بۆ هكوومه‌تا شه‌رئی ئا یه‌مه‌نێ كر و ئه‌ڤ ب خالا سه‌ره‌كه‌ ئا ئالۆزیا ناڤبه‌را ئیرانێ و سئوودیێ تێ هه‌ژمارتن.

ئیران راسته‌ راست پشتگریا حۆسیان دكه‌، جڤاكا ناڤنه‌ته‌وه‌ئی ڤێ هه‌نگاڤێ ب پشتگری ئا ته‌رۆرێ ناڤ دبه‌.