كۆچكا سپی: ئه‌ردۆگان وێ وه‌ره‌ واشنتۆنێ

كۆچكا سپی: ئه‌ردۆگان وێ وه‌ره‌ واشنتۆنێ

كۆچكا سه‌رۆكتیا ئه‌مه‌ریكایێ، ئیرۆ به‌هسا مژارا سه‌ردانا سه‌رۆكێ تركیێ ژ بۆ واشنتۆنێ كر و ئه‌شكه‌ره‌ كر، ئه‌ڤ سه‌ردان وێ ل ناڤه‌راستا مه‌ها چریا دویه‌مین ئا ئیسال، وه‌ره‌ پیك ئانین.

به‌رده‌ڤكێ كۆچكا سپی ئیرۆ رۆژا سێشه‌می دیار كر، ره‌جه‌ب ته‌یب ئه‌ردۆگان وێ ل رۆژا 13/11/2019 سه‌ردانا واشنتۆنێ بكه‌ و ئه‌ڤ سه‌ردان ب داخوازا سه‌رۆكێ ئه‌مه‌ریكایێ دۆنالد ترامپ، وێ وه‌ره‌ پێك ئانین.

ده‌ستنیشانكرنا وه‌ختا سه‌ردانا ئه‌ردۆگان، هه‌موه‌ختا داخویانیێن ئیرۆ ئێن سه‌رۆكێ ئه‌مه‌ریكایێ دۆنالد ترامپ هاتنه‌ كو گۆتبوو: “ئه‌ردۆگان وێ وه‌كو مێهڤانه‌كێ مه‌ وه‌ره‌ واشنتۆنێ”.

ترامپ هه‌ر وها ل هه‌سابا خوه‌ ئا تویته‌رێ پشتگری ل بریارا خوه‌ ئا ڤه‌كشاندنا هێزان ژ باكوورێ سووریێ كر.

سه‌رۆكێ تركیێ دوهـ رۆژا دوشه‌می ئه‌شكه‌ره‌ كربوو، د سه‌ردانا خوه‌ ئا واشنتۆنێ ده‌، ئه‌وێ ب ترامپ ره‌ بجڤه‌ و وێ هه‌رێما ئه‌وله‌هیێ نیقاش بكن.