گۆمانبارێن کۆشتنا قاسم سولەیمانی وێ بێن دادگەهکرن

گۆمانبارێن کۆشتنا قاسم سۆلەیمانی وێ بێن دادگەهکرن

سەردۆزگەرێ گشتی ئێ پارێزگەهیا کرمان، خەبەر ژ دادگەهکرنا هنەک کەسان د دە ب سووچا هەولدانێ ژ بۆ کۆشتنا قاسم سولەیمانی، فەرماندارێ فەیلەقا قۆدس ئا سپایێ پاسدارێن ئیرانێ کو بەرا نها هاتبوون دەستەسەرکرن.

دادخودا سالاری، دۆزگەرێ گشتی ئێ دادگەها ناڤەندی ئا پارێزگەهیا کرمان گۆت: “ئەڤ کەس ب سووچا بەشداری کرن و هەولدانێ ل دژی ئاسایشا هوندر و دەرڤە، دژاتی کرن و ئالیکاری کرنا دەزگەهێن ئیستیخباراتی ئێن بیانی و دژمن کەتینە بن لەکۆلینێن دۆزگەریێ.

ب گۆتنا داخۆدا سالاری، پلانا ڤان کەسان ژ قۆناغا دەسپێکی دەرباس ببوو و کەتبوو قۆناغا بجیکرنێ دە.

ئەڤ بەرپرسێ دۆزگەری ئێ پارێزگەهیا کرمان ژ راکێشانا سیخۆران و هەر وها چەک و فیشەکان و ماددەیێن تەقینان ب رێژەیەکە هەری زۆر و ڤەگۆهاستنا وان ژ ئالیێ پلان دانەران ب رێیا خالەکە سینۆری ئا دگەل ئیرانێ خەبەر دا.

هەفتیا رابووری حسێن تائیب، سەرۆکێ سازیا ئیتیلائات ئا سپایێ پاسداران، بۆ یه‌کەمین جار ژ بەتال کرن: پلانا تەرۆرکرنا (فەرماندار قاسم سولەیمانی) ل پارێزگەهیا کرمان و دەستەسەرکرنا ئەندامێن گرۆپا تەرۆرکرنی خەبەر دابوو.

تائیب د وی دەمی دە راگهاند کو بنچاڤکریان د خوه‌ست د رۆژێن تاسۆحا و ئاشۆرایێ دە (18-19 سێپتامبەرا 2019ان) دە وێ حسێنیێ ئا قاسم سۆلەیمانی دخوه‌سی ژبۆ بەهیداریێ تێدە ئامادە بە ب تەقینن.

ئیرۆ سەردۆزگەرێ پارێزگەهیا کرمانێ راگهاند کو سازیا ئیستیخباراتی ئا سپا “ئیتیلائاتێ” 6 مەهان بەری گۆمانبار بهێن دەستەسەر کرن، هایداری کار و چالاکیێن وان ئێن هوندر و دەرڤە ئێ ئیرانێ بوونە.

سالاری دا خوەیا کرن کو هەڤدەم دگەل تاسۆحا و ئاشۆرایێ دە د ده‌وما 10 دەمژمێران دە، د چەندین ناڤچەیان دە ئەڤ گرۆپ تووشی ئێریشێ بوون و هەر هەموو هاتن دەستەسەرکرن.

هەر وها راگهاند، ئامانج ژ ڤێ پرۆسەیا تەرۆریستی لاواز کرن و شکاندنا بەرەیا بەرخوەدانا جیهانا ئیسلامی بوویه‌.