سه‌رۆك كۆمارێ ئیرانێ ئیرۆ د ده‌ربارا ئێریشا موهته‌مه‌ل ئا تركیێ ل سه‌ر رۆژهلاتا فراتێ ئاخڤی و ب ئه‌ردۆگان ره گۆت: “باش بفكره، ئه‌ڤ ژ بۆ سووریێ، ترکیێ و ناڤچه‌یێ رێیەکە قەت باش نینە”.
ھەسەن رووھانی دەربارێ ئیھتمالا ئۆپەراسیۆنا سەر رۆژھلاتا فراتێ داخویانی دا و گۆت: “ژ بۆ سینۆرێن باشوور ترسێن ھکوومەتا ترکیێ ھەنە و د مژارا ترسێ ده تركیێ مافداره، دڤێ ترسێن ئەولەھیێ ئێن ترکیێ بێن چارەسەرکرن، ژ بۆ ڤێ ژی دڤێ رێیا راست بێ بژارتن”.
رۆھانی ل ته‌هرانا پایتەخت پشتی جڤینا لژنەیا وەزیران ئاخڤی و مژارێن د رۆژەڤێ دا نە، نرخاندن.
سەرۆکۆمارێ ئیرانێ رۆھانی د مژارا ئۆپەراسیۆنا سەر رۆژھلاتا فراتێ یا کو ئیھتمال ھەیە ترکیێ ببە سەری ده گۆت: “دڤێ ئه‌مەریکا ژ ناڤچه‌یێ ڤەکشە و ژ بۆ كو ل ور رژیما ئەسەد ب جھ ببە، دڤێ ھەرکەس ئالیکاریێ بدە.”
رۆھانی خوەست کو ترکیێ دڤێ ل سەر ڤێ مژارێ باش بفکرە، بنرخینە و گۆت کو ئەڤ ژ بۆ سووریێ، ترکیێ و ھەرێمێ رێیەکە قەت باش نینە.
د بەردەوامیا ئاخافتنا خوە ده رۆھانی راگھاند کو ل سووریێ پرسگرێکا سەرەکە رۆژھلاتێ فراتێ نینە، مژارا ھەری گرینگ ئیدلبە.
