سه‌رۆكێ ئه‌مه‌ریكایێ ل ده‌ربارا ئێریشا داگیركاری ئا تركیێ ل سه‌ر رۆژئاڤا كوردستانێ داخۆیانی دا و ها ئاخڤی: “ئه‌ڤا تركیێ دكه، داگیركاریه”.
دۆنالد ترامپ، ئیرۆ رۆژا چارشه‌می 9/10/2019ان د به‌یانه‌كێ ده كو ل ده‌ربارا ئێریشا تركیێ ل سه‌ر رۆژئاڤا كوردستانێ یه گۆت: “ئێریش بیرۆكه‌كه هه‌ری خرابه، ئه‌ڤا تركیێ دكه داگیركاریه”.
كۆچكا سپی ئا ئه‌مه‌ریكا ئه‌ڤ به‌یانا ترامپ وه‌شاندیه و تێده جاره‌كه دن هه‌لوه‌ستا ئه‌مه‌ریكایێ ژ ئێریشێ زه‌لال كریه و دبێژه: “ئه‌مه‌ریكا پشتگریێ ل وێ ئێریشێ ناكه، ره‌جه‌ب ته‌یب ئه‌ردۆگان سۆز دایه كو كه‌مینه پاراستی بن تایبه‌ت كه‌مینه‌یا كرستیان، لێ به‌لێ ئه‌گه‌ر ئه‌ڤ یه‌ك ب جی نه‌كر، ئه‌مه‌ریكا وێ تركیێ نه‌چار بكه‌ت كو كه‌مینه‌یان ب پارێزه”.
د مژارا ته‌رۆرستێن دائیشێ ده كو د گرتیگه‌هێن هێزێن سووریا ده‌مۆكراتیك هه‌سه‌ده ده‌نه، ترامپ د بێژه: “وان هۆشداری دانه تركیێ كو دائیش جاره‌كا دن ل ناڤچه‌یێ سه‌ری هه‌لنه‌ده”.
ترامپ به‌ری دو رۆژان فه‌رمانا ڤه‌كشاندنا هێزێن ئه‌مه‌ریكی ژ باكوورێ سووریێ دا، ئیرۆ ژی به‌هس كر كو ته‌ڤلیبوونا ئه‌مه‌ریكایێ ل شه‌رێ سووریێ یه‌ك ژ بریارێن هه‌ری خراب ئێن ئه‌مه‌ریكایێ بوو.
