بایدن: ترامپی ئیخانه‌ت ل ولات كر

بایدن: ترامپی ئیخانه‌ت ل ولات كر

جهگرێ سه‌رۆكێ به‌رێ ئێ ئه‌مه‌ریكایێ، ئیرۆ دژوار ئێریش كر سه‌رۆكێ ئه‌مه‌ریكایێ دۆنالد ترامپ و راگهاند كو ترامپ ئیخانه‌ت ل ولات كر و ده‌ستوورا ولات پێشێل كر.

جهگرێ سه‌رۆكێ به‌رێ ئێ ئه‌مریكایێ جۆ بایدن، ئیرۆ رۆژا پێنجشه‌می 10/10/2019 د چارچووڤه‌یا بانگه‌شا خوه‌ دا ل باژارێ نیۆهامشیر، خیتابه‌كه‌ گه‌له‌ك دژوار دا و گۆت: ترامپ ب گه‌فه‌كه‌ مه‌زن ل سه‌ر ئه‌مه‌ریكا تێ هه‌ژمارتن، وی ده‌ستوورا ولات پێشێل كر و ئیخانه‌ت ل ولات كر.

بایدن دبێژه‌: هه‌ر كو دچه‌ دۆنالد ترامپ پێشێلكاری ئێن وی پر دبن، دڤێ رێ لێ بهێ گرتن و ئه‌م رێ نه‌دن ئه‌و ڤان كارێن خوه‌ بدۆمینه.

د به‌رسڤا جۆ بادین ده‌، دۆنالد ترامپ ل هه‌سابا خوه‌ ئا تویته‌رێ جۆ بایدن ب كه‌سه‌كه‌‌ پر به‌له‌نگاز ب ناڤكر‌.

هه‌موه‌ختا ڤێ ئێریشا بایدن ل سه‌ر ترامپ، د ته‌ڤ پرسیه‌كێ ده‌ ئه‌شكه‌ره‌ بوویه‌ كو 51% ژ ده‌نگده‌رێن ئه‌مه‌ریكایێ دخوازن ترامپ وه‌ره‌ گوهه‌رین، لێ به‌لێ 42% ئا ده‌نگده‌ران دگه‌لن ل سه‌رۆكتیا ئه‌مه‌ریكا بدۆمه‌.

جۆ بایدن نها ته‌كۆشینا وی ژبۆ ب ده‌ستخستنا نامه‌زدیا پارتا ده‌مۆكراتێن ئه‌مه‌ریكا ژبۆ سه‌رۆكتیا ئه‌مه‌ریكا هه‌یه‌، نه‌دووره‌ ژی ل هلبژارتنا 2020 ببه‌ هه‌ڤركێ ترامپی.

پوستێن ھەمان بەش