پۆتین: دڤێ سووریا ژ هێزێن بیانی ئازاد ببه‌

پۆتین: دڤێ سووریا ژ هێزێن بیانی ئازاد ببه‌

سه‌رۆكێ رووسیا فه‌ده‌رال ئیرۆ راگهاند، دڤێ ولاتێ سووریێ ژ هێز و ئارته‌شێن بیانی وه‌ره‌ ڤالاكرن و ئازاد ببه‌.

فلادیمێر پۆتین سه‌رۆكێ رووسیا فه‌ده‌رال ئیرۆ ژ بۆ تۆرا (رووسیا توده‌ی، كه‌نالێن سكای نیۆز، ئه‌ره‌بیه)‌ ئاخڤی و وها گۆت: “دڤێ سووریا ژ هێزێن بیانی ئازاد ببه‌، هه‌ر هێزه‌كه‌ ب ئاوایه‌كه‌ نه‌شه‌رعی هاتبه‌ سووریێ، دڤێ هه‌ر د زوو ده‌ ژێ ده‌ركه‌ڤه‌، ئه‌ڤ گۆتن بۆ هه‌موو وان ولاتانه‌ كو ئارته‌شێن وان ل سووریێ نه”‌.

پۆتین د ده‌ربارا ئارته‌شا ولاتێ خوه‌ ژی كو ل سووریێ ژ بۆ به‌رژه‌وه‌ندی ئا رژیما سووریێ شه‌ر دكه‌ گۆت كو ئارته‌شا رووسیێ ل سه‌ر رازیبوونا فه‌رمی ئا دیمه‌شقێ ل سووریێ یه‌.

هه‌ر وها دبێژه‌: “هه‌ر وه‌ختا هكوومه‌تا سووریێ هایداری ئا مه‌ كر كو پێویستی ئا وان ب هێزێن رووسیا تونه‌یه‌، وێ ده‌مێ وێ هه‌موو هێزان ڤه‌كشینن”.

رووسیا فه‌ده‌رال ژ مه‌ها ئیلۆنا سالا 2015ان ته‌ڤلی شه‌رێ سووریێ بوویه‌، رۆله‌كا هه‌ری به‌رچاڤ د مان و بهێزبوونا رژیما به‌شار ئه‌سه‌دی ده‌ هه‌یه‌.