كوردێن ئه‌مه‌ریكا ل ویلایه‌تا ناشیڤیلێ كو رێژا هه‌ری زۆر ئا كوردان ل ور ژیان دكن، ژ سه‌رۆكێ ئه‌مه‌ریكا پڕ تۆرنه و نه‌فره‌ت باران دكن.
دوهـ رۆژا ئه‌ینی، ب هه‌زاران كوردێن رۆژئاڤا، باشوور و باكوورا كوردستانێ ئێن ویلایه‌تا ناشڤیلێ ده‌ركه‌تن جادێ و سلۆگانێن دژی دۆنالد ترامپێ سه‌رۆكێ ئه‌مه‌ریكایێ به‌رز كرن، وان ئاجزی ئا خوه ئا هه‌ری زێده ژ ئێریشا داگیركاری ئا تركیێ ل سه‌ر رۆژئاڤا كوردستانێ ئیلان كرن.
هنه‌ك خوه‌نیشانده‌ران سلۆگانێن وان وها بوون: “سه‌رۆك ترامپ ژ سۆزا خوه پاشده نه‌زڤره”.
هنه‌كان ژی وها نڤیساندبوو: “هه‌ست ب غه‌در و ئیخانه‌تێ دكین”، لێ به‌لێ هنه‌كێن دن ب ترامپ ره گۆتن: “سه‌رۆك گه‌ر وه كۆچبه‌ر نه‌ڤێن، ئه‌گه‌رێ كۆچبه‌ربوونێ راگرن”.
خوه‌نیشانده‌رێن كورد ژبلی پرۆته‌ستو كرنا ئێریشا داگیركاری ئا تركیێ، بانگ ل جڤاكا ناڤنه‌ته‌وه‌ئی ژی كرنه كو كوردان ب پارێزه.
ل رۆژێن بهێن هنه‌ك خوه‌نیشاندانێن دن ئێن كوردان ژ بۆ پشتگری ئا به‌رخوه‌دانا گه‌لێ رۆژئاڤا كوردستانێ وێ ل ویلایه‌تێن دالاس، واشنتۆن و نیۆیۆركێ وه‌رن رێخستن.
