كۆمار ئیسلامی ئا ئیرانێ ئیرۆ ئاما‌ده‌یا خوه ژ بۆ ده‌ستپێكرنا نیقاشێ ب ئه‌ره‌بستانا سئوودیێ ره نیشان دا.
وه‌زاره‌تا كارێن ده‌رڤه ئا ئیرانێ، ئیرۆ رۆژا شه‌می 12/10/2019ان د به‌یانه‌كه نڤیسكی ده ئه‌شكه‌ره كر، ته‌هران وێ ئاماده‌به ب ناڤگینی یان بێ ناڤگینی، نیقاشێ ب ریازێ ره ده‌ست پی بكه.
ئه‌ڤ به‌یانا ئیرانێ هه‌موه‌ختا سه‌ردانا چاڤه‌رێ كری ئا ئیمران خان سه‌رۆك وه‌زیرێ پاكستانێ تێ كو وێ وه‌ره ته‌هرانێ و ده‌نگۆیا وێ یه‌كێ هه‌یه، ئیمران خان وێ ژ بۆ ناڤگینی ئا ناڤبه‌را ته‌هرانێ و ریازێ وێ سه‌ردانێ پێكبینه.
وه‌زاره‌تا كارێن ده‌رڤه ئا ئیرانێ د به‌یانا خوه دا ئاماژه ب سه‌ردانا ئیمران خان كریه، لێ به‌لێ تو ئاگاهیه‌ك ل سه‌ر بابه‌تا ناڤگینیێ نه‌دایه.
وه‌زیرێ كارێن ده‌رڤه ئێ ئیرانێ ل حه‌فتیا بووری راگهاندبوو، ولاتێ وی ئاماده‌یه نیقاشێ ب سئوودیێ ره بكه، لێ به‌لێ پێویسته ل به‌راهیێ، ریاز ده‌ست ژ كوشتنا مرۆڤان به‌رده، وه‌كه ئاماژه ژبۆ شه‌رێ ل یه‌مه‌نێ تێ كرن كو سئوودیێ سه‌رپه‌رستیێ لێ دكه.
