ئه‌لمانیا هنارتنا چه‌كان ژ بۆ تركیێ قه‌ده‌خه‌ دكه‌

ئه‌لمانیا هنارتنا چه‌كان ژ بۆ تركیێ قه‌ده‌خه‌ دكه‌

هكوومه‌تا ئه‌لمانیایێ ئیرۆ فه‌رمان دا كو هنارتنا چه‌كان ژبۆ ده‌وله‌تا تركیێ وه‌ره‌ قه‌ده‌خه‌ كرن، ژبه‌ر كو ترسا وان هه‌یه‌ ئه‌و چه‌ك، ل باكوورا رۆژهلاتا سووریێ وه‌ره‌ بكارئانین.

كۆڤارا بێلد ئا ئه‌لمانیایێ ئیرۆ به‌لاڤكر كو وه‌زیرێ كارێن ده‌رڤه‌ ئێ ئه‌لمانیایێ هایكۆ ماس گۆتیه‌: “هنارتنا هنه‌ك جۆرێن چه‌كان ژبۆ ده‌وله‌تا تركیێ هات قه‌ده‌خه‌كرن، ژ بۆ كو ئه‌و پشت راست ببن، ئه‌و چه‌ك د شه‌رێ باكوورا رۆژهلاتا سووریێ ده‌، نه‌هێته‌ بكارئانین.

كۆڤارا بێلد وها نڤیساندیه‌: “وه‌كو به‌رسڤه‌كێ ژ بۆ ئه‌نقه‌رێ كو جه‌نگا ل دژی كوردێن رۆژئاڤا كوردستانێ ئیلان كریه‌، هكوومه‌تا ئه‌لمانیایێ فه‌رمان دایه‌، هنارتنا چه‌كان ژ بۆ تركیێ قه‌ده‌خه‌ بكه”‌.

تێ زانین ئه‌لمانیایێ ژ سالا 2018ان، ب قاسی 268 ملیۆن دۆلارێن ئه‌مه‌ریكی چه‌ك و پێویستیێن له‌شكری ژ بۆ تركیێ شاندنه‌، لێ به‌لێ ژ ئیرۆ رۆژا شه‌می 12/10/2019ان، فه‌رمان دایه‌ وان چه‌كان ژ بۆ ئه‌نقه‌رێ نه‌شینه‌.