دەزگەھا خێرخوازی ئا بارزانی بانگاوازیەک ب مەبەستا ب ھاناڤەچوونا خەلکێ رۆژاڤایێ کوردستانێ کو نھا ل رەوشەکە نەباشیا مرۆڤی ده نه، داخویانیەک بەلاڤ کر کو ئەڤە ژی ناڤەرۆکا وێیە:
رەوشا رۆژاڤایێ کوردستانێ ل رەوشەکی مرۆڤی ئا نەباش و خەراپ ده یە، ھەزاران مرۆڤێن بێگونەھ ژ ژن و زارۆ مەترسیا ژیانێ ل سەر وان ھەیە و ب ڤێ سەدەمێ ژی مال و وارێن خوە ب جیھ ھشتن و کۆچبەربوون.
د دەمەک دا ھێڤیدارین ھەر چ زوویە داوی ب شەر و مالوێرانیێ بێ، ھەمان دەمی دە رادگھینین کو مە ئامادەھیەکە تەڤاھی ھەیە ژ بۆ ب ھاناڤەچوونا خەلکێ سڤیلێ رۆژاڤایێ کوردستانێ و داخواز ژ ھەموو کوردستانیان، رێخستن و دەزگەھ و سازیێن مرۆڤی ئێن جیھانێ دکین، ھەر وەکی چاوا ل بەرێ ل رێیا دەزگەھا خێرخوازیا بارزانی ڤە ھەڤکاریێ پێشکێشی خەلکێ کۆچبەر و پەنابەران کریە ب ھەمان ئاوایی پالپشتێ مە بن ژ بۆ وێ یەکێ کو ب ھانایا خەلکێ سڤیلێ رۆژاڤایێ کوردستانێ ڤە بچین و ئێشێن وان کێمبکین.
ل ھەمان دەمی دە داخواز ژ دەستھلاتا رۆژئاڤایێ کوردستانێ دکین رێخوەشکەربن و ژ بۆ گھاندنا ھەڤکاریان ھێسانکاریەکە تەڤاھی ژ بۆ تیمێن دەزگەھێ بکن.
دەزگەھا خێرخوازیا بارزانی
12 جۆتمەھا 2019
