سەرێ کانیێ و گرێ سپیێ 130 هزار کەس کۆچبەر بوونە

130 هه‌زار كه‌س ژ سه‌رێ كانیێ و گرێ سپیێ كۆچبه‌ر بوونه‌

ئێریشا داگیركاری ئا تركیێ ل سه‌ر رۆژئاڤا كوردستانێ د دۆمه‌، ل هه‌یاما رۆژێن بووری، 130 هه‌زار كه‌س ئاواره‌ و كۆچبه‌ر بوونه‌.

نه‌ته‌وێن یه‌كبوویی ئیرۆ ئاماره‌كه‌ نوو ئا كۆچبه‌ربوونا گه‌لێ رۆژئاڤا وه‌شاند و ل گور وێ ئامارێ، ته‌نێ ژ باژاركێن سه‌رێ كانیێ و گرێ سپیێ، نێزی 130 هه‌زار كه‌سان كۆچبه‌ربوونه‌.

باژاركێن سه‌رێ كانیێ و گرێ سپیێ و گونده‌وارێن وان باژاركان،  ژ رۆژا 9ی جۆتمه‌هێ كو وه‌ختا ده‌ستپێبوونا ئێریشا داگیركاری ئا تركیێ بوو، راستی بۆردۆمانه‌كه‌ هه‌ری گران ئا باله‌فرێن جه‌نگی و تۆپخانێن هێزێن په‌ژاهیێ بوونه‌.

نه‌ته‌وێن یه‌كبووی هه‌موه‌ختا ئه‌شكه‌ره‌ كرنا هه‌ژمارا كۆچبه‌رێن سه‌رێ كانیێ و گرێ سپیێ دبێژه‌: “نێزی 400 هه‌زار ولاتیێن سڤیل ئێن ناڤچه‌یێن جودا ئێن شه‌ر ل رۆژئاڤا كوردستانێ، ترس ل سه‌ر ژیانا وان هه‌یه‌ و پێویستیا وان ب ئالیكاریێن مرۆڤی یه”‌.

هه‌ر ل ڤێ ده‌ربارێ ده‌، نه‌رینگه‌ها سووریایێ ئا مافێن مرۆڤان ئه‌شكه‌ره‌ كر كو ب ئاوایه‌كێ گشتی بێهتری 200 هه‌زار ولاتیێن رۆژئاڤا ژ ده‌ستپێكا ئێریشا داگیركاریێ كۆچبه‌ربوونه‌ ناڤچه‌یێن ئارام.