ئه‌ردۆگان: ئه‌مێ ئۆپه‌راسیۆنێ هه‌یا سه‌ركه‌تنێ بدۆمینن

ئه‌ردۆگان: ئه‌مێ ئۆپه‌راسیۆنێ هه‌یا سه‌ركه‌تنێ بدۆمینن

سه‌رۆك كۆمارێ تركیێ ئیرۆ ل ده‌ربارا بوویه‌ر و پێشهاتێن باكوورا سووریێ داخویانی دا و وها ئاخڤی: “ئه‌مێ هه‌یا سه‌ركه‌تنێ ئۆپه‌راسیۆنا كانیا ئاشتیێ بدۆمینن”.

ره‌جه‌ب ته‌یب ئه‌ردۆگان، ئیرۆ رۆژا دوشه‌می 14/10/2019ان ل ده‌ربارا ئۆپه‌راسیۆنا ل باكوورا رۆژهلاتا سووریێ كو ناڤێ كانیا ئاشتیێ لێ كریه‌ داخویانی دایه‌ و دبێژه‌: “ئه‌مێ تا سه‌ركه‌تنێ ئۆپه‌راسیۆنێ بدن مه‌شاندن، هه‌ر چ دبه‌ بلا ببه”‌.

ئه‌ردۆگان ئه‌ڤ داخویانی ل باكو ئا پایته‌ختا ئازه‌ربایجانێ دانه‌ و ده‌ستنیشان كر كو ئه‌نقه‌ره‌ رژده‌ ئۆپه‌راسیۆنا خوه‌ ده‌وام بكه‌ و گوهـ نه‌ده‌ تو گه‌فه‌كێ، رێیا كو مه‌ ده‌ست ئاڤێتیێ وێ هه‌یا سه‌ركه‌تنێ و بجیكرنا ئامانجێ ته‌مام بكن.

سه‌رۆكێ تركیێ ل ڤێ ده‌ربارێ ده‌ ره‌خنه‌ ژ یه‌كیتیا ئه‌ورۆپایی و كۆمكارا ولاتێن ئه‌ره‌بی ره‌ كر كو ل دژی ئۆپه‌راسیۆنا تركیێ نه‌، ل هه‌مان ده‌مێ داخوازا په‌ره‌یان ژ جڤاكا ناڤنه‌ته‌وه‌ئی ژ بۆ هه‌رێما ئه‌وله‌هیێ كر كو ئه‌نقه‌رێ نیازا ئاڤاكرنا وێ ل رۆژهلاتێ فراتێ هه‌یه‌.