ئارته‌شێن تركیێ و سووریێ ل منبجێ ل هه‌ڤ دان

ئارته‌شێن تركیێ و سووریێ ل منبجێ ل هه‌ڤ دان

ئیرۆ بۆ جارا یه‌كه‌مین ژ هاتنا ئارته‌شا سووریێ بۆ ناڤچه‌یێن باكوورا سووریێ، ل سینۆرێ باژارێ منبجێ له‌شكرێن تركیێ و سووریێ ل هه‌ڤ دانه‌، چاڤكانیان ئه‌شكه‌ره‌ كرنه‌ كو 4 له‌شكرێن تركیێ بریندار كه‌تنه‌.

ئێڤارا ئیرۆ رۆژا چارشه‌می 16/10/2019ان، له‌شكرێن سووریێ و له‌شكرێن تركیێ ل سینۆرێ باژارێ منبجێ ئێ باكوورێ سووریێ ل هه‌ڤ خستنه‌ و شه‌ر و په‌ڤچوون ل ناڤبه‌را وان ده‌ ده‌ركه‌تن، چاڤكانی ئه‌شكه‌ره‌ دكن كو 4 له‌شكرێن تركیێ بریندار كه‌تنه‌.

ئه‌ڤ په‌ڤچوون دبه‌ ئا یه‌كه‌مین پشتی لهه‌ڤهاتنا هێزێن سووریایا ده‌مۆكراتیك (هه‌سه‌ده‌) و رژیما سووریێ كو ل گور وێ لهه‌ڤكرنێ، ئارته‌شا سووریێ گهایه‌ ناڤچه‌یێن باكوورا سووریێ.

ئارته‌شا سووریێ كو ئیرۆ چوویه‌ ناڤا منبجێ و سینۆرێ وێ، شه‌ر ل دژی ئارته‌شا تركیێ ل وێ ناڤچه‌یێ كر كو میلیشایێن ئارته‌شا ئازاد ئا سووریێ ژی ب هه‌ڤبه‌شی ل گه‌ل ئارته‌شا تركیێ شه‌ر كریه‌.

له‌شكرێن تركیێ كو ل ڤێ په‌ڤچوونێ ده‌ بریندار كه‌تنه‌، ب رێیا ده‌ریێ قرقامشێ ل نێزی جه‌رابلوسێ ژ بۆ چاره‌سه‌ریێ هاتن ڤه‌گوهاستن.

چاڤكانیێن رووسیا فه‌ده‌رال دوهـ رۆژا سێشه‌می به‌لاڤكربوو، ئارته‌شا سووریێ رووبه‌ره‌كه‌ به‌رفره‌هـ ل ده‌ردوورا باژارێ منبجێ گرتنه‌ كو به‌را وان ئارته‌شا تركیێ ده‌ست ب سه‌ر ده‌ گرتبوو.