ئه‌مه‌ریكا وێ جه‌زایێن زێده‌تر ل سه‌ر تركیێ ب سه‌پینه‌

ئه‌مه‌ریكا وێ جه‌زایێن زێده‌تر ل سه‌ر تركیێ ب سه‌پینه‌

ویلایه‌تێن یه‌كبووی یێن ئه‌مه‌ریكایێ ئه‌شكه‌ره‌ كر، دبه‌ ئه‌و جه‌زایێن زێده‌تر ل سه‌ر تركیێ ب سه‌پینن.

شێوه‌رمه‌ندێ كۆچكا سپی ئا ئه‌مه‌ریكایێ لاری كادلو، ئیرۆ رۆژا پێنجشه‌مێ 17/6/2019ان، داخۆیانی ل ده‌ربارا مه‌له‌فا جه‌زایێن ئه‌مه‌ریكایێ ل سه‌ر تركیێ دا و وها ئاخڤی: ژ بۆ كو ئێریشا ل سه‌ر باكوورا سووریێ وه‌ره‌ سه‌كناندن، ئه‌گه‌ر پێویست به‌ واشنتۆن وێ جه‌زایێن زێده‌تر ل سه‌ر ئه‌نقه‌رێ ب سه‌پینه‌.

شێوه‌رمه‌ندێ كۆچكا سپی هه‌ر وها دبێژه‌: هه‌ولێن واشنتۆنێ ژ بۆ راگرتنا شه‌ر هه‌نه‌، لێ به‌لێ ئه‌گه‌ر پێویست به‌، وێ جه‌زایان ژ بۆ پاشده‌ برنا تركیێ بكار بینه‌.

سه‌رۆكێ ئه‌مه‌ریكا دۆنالد ترامپ ژ ده‌ستپێكا ئێریشا داگیركاری ئا تركیێ ل سه‌ر رۆژئاڤا كوردستانێ، هشیاری دانه‌ ره‌جه‌ب ته‌یب ئه‌ردۆگان و پێره‌ گۆت‌ كو وێ ئابوورا تركیێ ژناڤ ببه‌.

د به‌رسڤا ترامپی ده‌، سه‌رۆكێ تركیێ ئه‌ردۆگان دابوو خوه‌یا كرن كو تركیێ نه‌ ولاته‌كه‌ ژ گه‌فان پاشده‌ بچه‌ و هه‌ر وها ئه‌شكه‌ر كر كو ئۆپه‌راسیۆنا وان ئا ب ناڤێ كانیا ئاشتیێ وێ بدۆمه‌ تا وێ ده‌ما سه‌ركه‌تن تێ ب ده‌ست خستن.