ماكرۆن: من گۆته‌ ئه‌ردۆگان YPG نه‌ PKK یه‌

ماكرۆن: من گۆته‌ ئه‌ردۆگان YPG نه‌ PKK یه‌

سەرۆک كۆمارێ فرانسایێ ئەمانوەل ماكرۆن دەربارێ تەرۆریستێن بیانی یێن ل سووریێ ده‌ گۆت کو “ھەکە ئەو بخوازن بێن ئەورۆپایێ دێ بچن ترکیێ و ژ ور بێن فرانسایێ، ب رێ یێن دن نکارن بێن فرانسایێ.” د مژاره‌كه‌ دن دا، به‌هسا یه‌په‌گێ كر و گۆت كو ئه‌و نه‌ په‌كه‌كه‌ نه‌.

ماكرۆن پشتی لۆتکەیا یەکیتیا ئەورۆپایێ ل برۆکسەلێ جڤینا چاپەمەنیێ ل دار خست و گۆت: “تەرۆریستێن بیانی ھەکە ل ئیراقێ ئێریش کربن دێ ل ور بێن دارزاندن، ھەکە ئەو بخوازن بێن ئەورۆپایێ دێ بچن ترکیێ و ژ ور بێن فرانسایێ، ب رێ یێن دن نکارن بێن فرانسایێ”.

هه‌ر وها دیار کر کو د ڤێ رەوشێ دا وەکه‌ کو ترکیە چەندین سالە دکە دڤێ ئاگاھی بدە وان.

ماكرۆن گۆت: “تەرۆریستێن کو دێ ب ڤی ئاوایی بێن فرانسایێ دێ بێن دارزاندن و گرتن و وھا ئاخڤی: فرانسا، ئه‌مەریکا و ترکیە، ئه‌ندامێن ناتۆیێ نە و ئەز ژ سەر تویتەرێ ھین بووم کو ئه‌مەریکایێ ئەسکەرێن خوە ژ سووریێ ڤەکشاندنە، ھێزا دنا ناتۆیێ ژی بریار دا کو ئێریشی (یه‌په‌گێ) کو ھەڤکارێ کۆالیسیۆنا ناڤنەتەوەیی یا دژی دائیشێ یه‌ و دژی ته‌رۆرێ ته‌کۆشین ددن بکە”.

سه‌رۆكێ فرانسایێ دبێژه‌: “ھەمبەر ته‌کۆشینا تركیێ دژی په‌كه‌كێ و تەرۆریستان رێز دگرم، من ئه‌ڤ ھەردەم گۆتە ئەردۆگان لێ هه‌سه‌ده‌ (یا کو پرانی ژ یه‌په‌گێ پێک تێ) کو دژی  دائیشێ ته‌کۆشین ددن نه‌ په‌كه‌كه‌ نه‌. لەورا ژی تشتێن کو ڤان رۆژێن داویێ دقەومن شاشیا گرانا رۆژئاڤا و ناتۆیێ یە.”

ماكرۆن دەستنیشان کر کو دڤێ ئەورۆپا ببە خوەدی ستراتەژیەکە پاراستنێ یا خورتتر و گۆت کو “یێن کو ل ھەرێما رۆژھلاتێ ناڤین یێن کو ب قەزەنج دەرکەتن ئیران، ترکیە و رووسیا بوون.”