نه‌سروللا: ناخوازین هكوومه‌ت ده‌ست ژ كار بكشینه‌

نه‌سروللا: ناخوازین هكوومه‌ت ده‌ست ژ كار بكشینه‌

سه‌كره‌ته‌رێ گشتی ئێ هزبوللا ئا لبنانی ئیرۆ داخویانی دا و راگهاند كو ئه‌و ناخوازن هكوومه‌ت ده‌ست ژ كار بكشینه‌.

سه‌كره‌ته‌رێ گشتی ئێ هزبوللا ئا لبنانی ئیرۆ رۆژا شه‌می 19/10/2019ان ل ده‌ربارا ئالۆزیێن رۆژێن داویێ ل به‌یرووتێ و باژارێن دن ئێن ولات داخویانی دا و وها ئاخڤی: “لبنان د ره‌وشه‌كه‌ پر نازك ده‌ ده‌رباس دبه‌، ژبه‌ركو خوه‌نیشاندان ل ته‌ڤ باژار و باژارۆكان ده‌وام دكن”.

هه‌ر وها ئه‌شكه‌ره‌ كر، وه‌كه‌ هزبوللا ئه‌و ناخوازن هكوومه‌تا لبنانێ ئا ب سه‌رۆكتیا سه‌ئه‌د هه‌ریری ده‌ست ژ كار بكشینه‌، ل شوونا وێ بلا چاكسازی وه‌ره‌ كرن.

ب نه‌رینا هه‌سه‌ن نه‌سروللا وه‌خته‌كا كێم ل همبه‌ر هكوومه‌تێ یه‌ كو بكاره‌ چاكسازیان بكه‌ و ره‌وشا ئابووریا ولات هنه‌كی باشتر بكه‌.

ل داویا گۆتنا خوه‌، سه‌كره‌ته‌رێ هزبوللا ئا لبنانێ ده‌ست نیشان كر كو ئه‌و وێ پشته‌ڤانیێ ل هكوومه‌تا هه‌ریری بكن، لێ به‌لێ ب به‌رنامه‌ و پرۆگرامه‌كه‌ نوو، ژبه‌ركو چاره‌سه‌ركرنا ره‌وشا ئابووریا ولات و باشكرنا ره‌وشا ژیارا ولاتیان، ب زێده‌كرنا باجێ نایێ ده‌ست.

نه‌سروللا هه‌موه‌خت هشیاری دان كو گه‌ر باجا زێده‌تر ل سه‌ر ولاتیێن لبنانێ وه‌ره‌ سه‌پاندن، خوه‌ینشاندان وێ ده‌وام بكن.