سه‌رۆك كۆمارێ تركیێ ئێڤارا ئیرۆ هشیاری ژ دوباره ده‌ستپێكرنا هه‌ركه‌تێ ل رۆژهلاتا فراتێ دان و وها ئاخڤی: “وه‌ختا 120 سائه‌ت ب قه‌ده، ئه‌مێ ژ جیێ كو مانه ده‌ست پێ بكن و سەرێ تەرۆریستان بپەلچقینن”.
ره‌جه‌ب ته‌یب ئه‌ردۆگان ئێڤارا ئیرۆ رۆژا شه‌می 19/10/2019ان ل ده‌ربارا ئاگربه‌ستا كو ل رۆژهلاتا فراتێ هاتیه پێك ئانین داخویانی دا و وها گۆت: “ھەگەر لهه‌ڤهاتنا ئه‌نقه‌ره وه‌كه ل گه‌ل ئه‌مه‌ریكایێ هاتیه كرن نه‌به، وەختا ١٢٠ سائەت بقەدە ئەمێ ژ جیێ کو مانە دەست پێ بکن.”
ئەردۆگان ئه‌ڤ گۆتن ئیرۆ ل کایسەریێ د مەراسیمه‌كێ ده كرنه و گۆت: “ئەڤێن كو گەلێ ترک ناس ناکن، لێ وێ ناس بکن، یان وێ ناس بکن یان ژی وێ دەرسا خوە ھلدن و ناس بکن”.
ئەردۆگان دیار کر د رەوشەکە وھا ده ھێڤیا وان ئەوە ھەموو کەسێن کو ھەلوەستا وان یا دژی تەرۆرێ ژ دل بە برا ئالیکاریا وان بکن و وھا گۆت: “مخابن د 9 رۆژێن داوین ده دژی وەلاتێ مە ھەر جورە کرێتی ھات نیشاندان. ژ بەر کو ماسکەیێن وان کەتن مە دیت کو کی چیە.”
ئەردۆگان دەر بارێ لهه‌ڤهاتنا ب ئامەریکایێ ره گۆت کو ھەگەر نەبە وەختا ١٢٠ سائەت ب قەدە ئەمێ ژ جیێ کو مانە دەست پێ بکن و سەرێ تەرۆریستان بپەلچقینن.
ئەردۆگان دیار کر ترکیێ ژ سەرێ شەر ده دەڤ ژ شەرتێن کو دانیە بەرنەدایە و گۆت کو ھەگەر سۆزێن کو دانە وەلاتێ مە ب جی نەیێن مینا بەرێ ئەمێ نەسەکنن و وەختا دەم قەدیا ئەمێ ھەرەکاتێ بدۆمینن.
ئه‌ڤ گۆتنێن ئه‌ردۆگان وه‌كه ئاماژه‌كێ هاتنه كو گه‌ر هێزێن سووریایا ده‌مۆكراتیك هه‌سه‌ده ژ ناڤچه‌یێن كو د لهه‌ڤهاتنا ئه‌نقه‌رێ ده ئانكو ب كووراهیا 32 كم پاشده نه‌زڤرن، ئێریشا تركیێ ل سه‌ر رۆژئاڤا كوردستانێ وێ ده‌وام بكه.
